Memleket basshysy Adani Group kompaniiasynyń prezidenti Gaýtam Adanidi qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda uzaqmerzimdi jáne strategiialyq mańyzy bar investitsiialyq jobalardy júzege asyrý perspektivalary talqylandy.
Prezident úndistandyq mýltiulttyq Adani Group konglomeratynyń óńirdegi kólik infraqurylymyn damytý josparyna oń baǵa berdi. Memleket basshysy Qazaqstan kólik baǵyttaryn ártaraptandyrý jumystaryn júrgizip, Transkaspii halyqaralyq kólik baǵdaryn belsendi damytyp kele jatqanyn aitty.
Gaýtam Adani Memleket basshysyna kompaniia energetika, munai-himiia, jańartylatyn energiia kózderi jáne ekonomikanyń basqa da mańyzdy sektorlarynda Qazaqstan tarapymen yntymaqtastyq ornatýǵa múddeli ekenin aitty.
Aita keteiik, Gaýtam Shantilal Adani - Bloomberg basylymy boiynsha, álemdegi eń bai adamdar tiziminde ekinshi orynda turǵan úndi milliarderi.
