Qasym-Jomart Toqaev AQSh Kongresi Ókilder palatasynyń delegatsiiasyn qabyldady, - dep habarlaidy "Ult aqparat" Aqorda saityna silteme jasap.
Kongressmender Djeims Panetta jáne Tomas Sýotstsimen kezdesýde qazaq-amerika qatynastaryn damytý perspektivalary talqylandy. AQSh Kongresindegi Qazaqstannyń dostary tobynyń qyzmeti aiasynda parlamentaralyq bailanystardy nyǵaitýǵa erekshe nazar aýdaryldy.
Memleket basshysy AQSh kongressmenderiniń sapary parlamenttik diplomatiiany ilgeriletý turǵysynan mańyzdy dep atap ótti. Sondai-aq ekijaqty saýda-ekonomikalyq jáne investitsiialyq yntymaqtastyqtyń qarqyndy damyp kele jatqanyna kóńili tolatynyn jetkizdi.
Prezident kongressmenderge elimizde júzege asyrylyp jatqan aýqymdy reformalar men Qazaqstan halqyna arnaǵan Joldaýynyń negizgi baǵyty týraly aityp berdi.
Óz kezeginde kongressmender Memleket basshysyna kezdesý úshin alǵys aityp, Prezidenttiń aýqymdy saiasi jáne ekonomikalyq reformalardy júzege asyrýdaǵy bastamalaryn joǵary baǵalady.
