Aqorda Prezident Qasym-Jomart Toqaev 6 aqpanda qol qoiǵan ákimderdiń qyzmetine qatysty Jarlyqtyń tolyq nusqasyn jariialady, - dep habarlaidy "Ult aqparat".
***
«Qazaqstan Respýblikasynyń Prezidenti týraly» Qazaqstan Respýblikasy Konstitýtsiialyq zańynyń 17 jáne 21-baptaryna sáikes jáne qoǵamdy odan ári demokratiialandyrý, elde júrgizilip jatqan reformalar týraly halyqty habardar etý, jergilikti atqarýshy organdardyń ashyqtyǵyn, jaýapkershiligin, eseptiligin arttyrý maqsatynda QAÝLY ETEMIN:
1. Barlyq deńgeidegi ákimder jyl boiy halyqpen kezdesýler ótkizsin, olardyń barysynda halyqty tolǵandyratyn áleýmettik máselelerge basa nazar aýdara otyryp, Qazaqstandy jańǵyrtýdyń jańa baǵdarynyń negizgi baǵyttary týraly habardar etsin jáne problemalyq máselelerdi sheshýdiń joldary men merzimderin túsindirsin.
2. Oblystardyń, respýblikalyq mańyzy bar qalalardyń, astananyń ákimderi:
1) jyl saiyn 15 qańtarǵa deiin mynalardy:
jarty jylda bir ret oblys ákiminiń ár aýdanda jáne oblystyq mańyzy bar ár qalada keminde bir kóshpeli kezdesýin;
respýblikalyq mańyzy bar qala, astana ákiminiń qalanyń ár aýdanynda toqsan saiyn keminde bir kóshpeli kezdesýin;
aýdan ákiminiń ár aýylda, kentte, aýyldyq okrýgte, aýdandyq mańyzy bar qalada toqsan saiyn keminde bir kóshpeli kezdesýin;
oblystyq jáne aýdandyq mańyzy bar qala, aýyldyq okrýg ákiminiń qalanyń, aýyldyq okrýgtiń quramyna kiretin ár aýdanda (shaǵyn aýdanda), aýylda, kentte toqsan saiyn keminde bir kóshpeli kezdesýin;
aýyl, kent, qaladaǵy aýdan ákiminiń toqsan saiyn keminde bir kezdesýin ótkizý kózdelgen ákimderdiń halyqpen kezdesýleriniń ikemdi jyldyq kúntizbesin (budan ári – kúntizbe) ázirlep, ony máslihatpen kelisý boiynsha bekitip otyrsyn.
Qajet bolǵan jaǵdaida kúntizbeni máslihatpen kelisý boiynsha túzetýge jol beriledi;
2) jyl saiyn 20 qańtarǵa deiin Qazaqstan Respýblikasynyń Úkimetine bekitilgen kúntizbeni usynsyn.
3. Barlyq deńgeidegi ákimder:
1) halyqtyń talap etýi boiynsha jáne qajet bolǵan kezde kúntizbeden tys halyqpen kezdesý ótkizsin;
2) tehnikalyq múmkindikterdi eskere otyryp, halyqtyń áleýmettik jelilerdegi resmi akkaýnttarda mindetti túrde pikir bildirý múmkindigimen onlain-transliatsiialar, sondai-aq qajet bolǵan jaǵdaida beinekonferentsbailanys uiymdastyrý arqyly kezdesýler ótkizýdi qamtamasyz etsin;
3) kezdesý úshin josparlanǵan ýaqyttyń tórtten birden aspaityn bóligin baiandamany tanystyrýmen, ýaqyttyń qalǵan bóligin «suraq-jaýap» formatynda ótkizsin;
4) halyqpen kezdesýler ótkizgenge deiin:
problemalyq máselelerdiń pýlyn jasaý úshin jergilikti qoǵamdastyq jinalysy jáne qoǵamdyq keńester músheleriniń qatysýymen halyqtyń suraýlary men usynystaryn jinaý jóninde komissiia qurýdy;
ashyq derekterdiń internet-portalyna jáne ákimderdiń blog-platformasyna, sondai-aq kommýnikatsiianyń basqa da nysandarynda halyqtan kelip túsken suraýlar men usynystardy jinaýdy jáne taldaýdy;
buqaralyq aqparat quraldarynda, onyń ishinde óńirlik baspa basylymdarynda, radioda, resmi internet-resýrstarda jáne «elektrondyq úkimet» veb-portalynda, ashyq derekter internet-portalynda, sondai-aq ákimdikterdiń (ákimder apparattarynyń) resmi akkaýnttarynda, áleýmettik jelilerde jáne barlyǵyna qoljetimdi jerlerde aqparattyq-nasihat jumysyn júrgizýdi;
ákimniń halyqpen kezdesýin ótkizý týraly habarlandyrýdy:
oblys, respýblikalyq mańyzy bar qala jáne astana, aýdan, oblystyq jáne aýdandyq mańyzy bar qala ákimi ótkizetin kezdesý kúnine deiin eki apta buryn;
aýyl, kent, aýyldyq okrýg, qaladaǵy aýdan ákimi ótkizetin kezdesý kúnine deiin bir apta buryn uiymdastyrýdy qamtamasyz etsin;
5) halyqpen kezdesýler ótkizgennen keiin:
jergilikti atqarýshy organdardyń, prokýratýra jáne ishki ister organdarynyń basshylyq quramymen, máslihat depýtattarymen, qoǵamdyq keńester múshelerimen, jergilikti ziialylarmen birlesip, azamattardy jeke qabyldaýdy ótkizsin;
problemalyq máselelerdi qarjylandyrý múmkindigin máslihat sessiiasynda qarai otyryp, júiege keltirsin;
kezdesýler men azamattardy qabyldaý aiaqtalǵan kúnnen bastap kúntizbelik on kúnnen keshiktirmei, ótkizilgen kezdesýlerdiń qorytyndylary týraly aqparatty, problemalyq máselelerdiń tizbesin, problemalyq máselelerdi sheshýdiń naqty merzimderin, jaýapty oryndaýshylardy kórsete otyryp, olardy sheshý jónindegi is-qimyl josparyn buqaralyq aqparat quraldarynda, onyń ishinde resmi internet-resýrstarda jáne «elektrondyq úkimet» veb-portalynda ornalastyrýdy qamtamasyz etsin;
toqsan saiyn esepti kezeńnen keiingi aidyń 25-kúnine qarai kezdesýlerde halyq kótergen problemalyq máselelerdi sheshý barysy týraly aqparatty resmi internet-resýrstarda jáne «elektrondyq úkimet» veb-portalynda ornalastyrsyn.
4. Ákimdikter men ákimder apparattary kezdesýlerge múddeli tulǵalardyń aýqymdy aýditoriiasyn, onyń ishinde máslihat depýtattaryn, partiialar, qoǵamdyq uiymdar men oppozitsiia ókilderin tartsyn.
5. Qazaqstan Respýblikasynyń Úkimeti:
1) jyl saiyn esepti jyldan keiingi 1 aqpanǵa deiin óńirlerdiń bekitilgen kúntizbelerin Qazaqstan Respýblikasy Prezidentiniń Ákimshiligine usynýdy;
2) jyl saiyn esepti jyldan keiingi jyldyń 15 aqpanyna jáne 15 tamyzyna deiin ortalyq atqarýshy organdar, ulttyq holdingter men kompaniialar deńgeiinde sheshýdi talap etetin problemalyq máselelerdiń tizbesin jáne olardy sheshý jónindegi usynystardy jinaýdy;
3) ákimderdiń halyqpen kóshpeli kezdesýleriniń qorytyndysy boiynsha halyq kótergen máselelerdi sheshý joldary men olardyń oryndalý barysyn kórsete otyryp, olardyń ishinen quzyretine kiretin problemalyq máselelerdiń tizbesin ortalyq atqarýshy organdardyń, ulttyq holdingterdiń, kompaniialardyń resmi internet-resýrstarynda ornalastyrýdy jáne toqsan saiyn jańartýdy qamtamasyz etsin.
6. Osy Jarlyqqa qosymshaǵa sáikes Qazaqstan Respýblikasy Prezidentiniń keibir jarlyqtarynyń kúshi joiyldy dep tanylsyn.
7. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
8. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2022 jylǵy 3 naýryz
№ 826
