Qasym-Jomart Toqaev Áýliekól aýylyndaǵy gýmanitarlyq kómek taratý pýnktinde zardap shekken azamattarmen jáne eriktilermen kezdesti, - dep habarlaidy "Ult aqparat" Aqordanyń baspasóz qyzmetine silteme jasap.
"Rasynda bul – úlken sharýa. Zardap shekken azamattardyń bári úsh aidyń ishinde baspanaly bolady dep ýádemdi berdim. Oǵan kúmánim joq. Ol – bir. Ekinshiden, Ahmet Baitursynulynyń mereitoiyna qatysty. Eń aldymen, osy máseleni shesheiik. Sodan keiin amandyq bolsa, osy bir qasietti jerge kelip, Ahmet Baitursynuly babamyzdyń rýhyna taǵzym etip, toidy ótkizemiz", - dedi Prezident.
