Toqaev akademik Amanjol Qoshanovtyń jaqyndaryna kóńil aitty

Prezident Qasym-Jomart Toqaev asa kórnekti ǵalym, akademik Amanjol Qoshanovtyń otbasy men jaqyn týystaryna kóńil aitty, dep habarlaidy Aqordanyń baspasóz qyzmeti.

Memleket basshysy asa kórnekti ǵalym, Qazaqstan Respýblikasy Ulttyq ǵylym akademiiasynyń akademigi, ekonomika ǵylymdarynyń doktory, professor, Memlekettik syilyqtyń iegeri Amanjol Qoshanuly Qoshanovtyń dúnieden ótýine bailanysty marqumnyń otbasy men jaqyn týystaryna kóńil aityp, jedelhat joldady. 

– Amanjol Qoshanuly uzaq jyl tabysty eńbek etip, bar kúsh-jigerin otandyq ǵylymdy damytýǵa arnady. Naryq qatynasyna kóshý kezeńinde irgeli reformalardy júzege asyrýdyń tiimdi joldaryn tereń zerttedi. Bilikti mamandar daiarlaý isine de óz úlesin qosty. Igi qyzmetimen el-jurt aldynda qurmetke bólenip, sońyna óshpes iz, ǵylymi mol mura qaldyrǵan Amanjol Qoshanulynyń esimin halqymyz árdaiym ardaq tutady, – delingen jedelhatta.