توقاەۆ اكادەميك امانجول قوشانوۆتىڭ جاقىندارىنا كٶڭٸل ايتتى

پرەزيدەنت قاسىم-جومارت توقاەۆ اسا كٶرنەكتٸ عالىم, اكادەميك امانجول قوشانوۆتىڭ وتباسى مەن جاقىن تۋىستارىنا كٶڭٸل ايتتى, دەپ حابارلايدى اقوردانىڭ باسپاسٶز قىزمەتٸ.

مەملەكەت باسشىسى اسا كٶرنەكتٸ عالىم, قازاقستان رەسپۋبليكاسى ۇلتتىق عىلىم اكادەميياسىنىڭ اكادەميگٸ, ەكونوميكا عىلىمدارىنىڭ دوكتورى, پروفەسسور, مەملەكەتتٸك سىيلىقتىڭ يەگەرٸ امانجول قوشانۇلى قوشانوۆتىڭ دٷنيەدەن ٶتۋٸنە بايلانىستى مارقۇمنىڭ وتباسى مەن جاقىن تۋىستارىنا كٶڭٸل ايتىپ, جەدەلحات جولدادى. 

– امانجول قوشانۇلى ۇزاق جىل تابىستى ەڭبەك ەتٸپ, بار كٷش-جٸگەرٸن وتاندىق عىلىمدى دامىتۋعا ارنادى. نارىق قاتىناسىنا كٶشۋ كەزەڭٸندە ٸرگەلٸ رەفورمالاردى جٷزەگە اسىرۋدىڭ تيٸمدٸ جولدارىن تەرەڭ زەرتتەدٸ. بٸلٸكتٸ ماماندار دايارلاۋ ٸسٸنە دە ٶز ٷلەسٸن قوستى. يگٸ قىزمەتٸمەن ەل-جۇرت الدىندا قۇرمەتكە بٶلەنٸپ, سوڭىنا ٶشپەس ٸز, عىلىمي مول مۇرا قالدىرعان امانجول قوشانۇلىنىڭ ەسٸمٸن حالقىمىز ەردايىم ارداق تۇتادى, – دەلٸنگەن جەدەلحاتتا.