Búgin Semei qalasynyń ziialy qaýym ókilderimen kezdesken Memleket basshysy Qasym-Jomart Toqaev atom elektr stansasynyń qurylysyna qatysty oiymen bólisti, dep habarlaidy "Ult aqparat" Aqordanyń tvitterdegi paraqshasyna silteme jasap.
«Atom elektr stansasynyń qurylysy taqyryby qoǵamda úlken rezonans pen pikirtalas týdyryp otyr. Bul problema óte kúrdeli. 2030 jylǵa qarai Qazaqstan elektr energiiasy tapshylyǵyna dýshar bolady. Sondyqtan bul problemany qazir sheshýimiz qajet», - dedi QR Prezidenti.
Sonymen qatar, Memleket basshysy atom elektr stansasynyń qurylysy halyqtyń basym bóliginiń pikirinsiz qolǵa alynbaityndyǵyn basa aitty.
«Buǵan qosa, el halqynyń basym bóliginiń pikiri eskerilmesten AES qurylysy týraly sheshim qabyldanbaidy. Bul búkil halqymyzdyń múddesine qatysty bar barynsha ózekti másele jáne olardyń pikirleri qaperge alynady», - dedi Q.Toqaev.
Eske sala keteiik, Qazaqstan Prezidenti Qasym-Jomart Toqaev Shyǵys Qazaqstan oblysyna jumys saparyn Semei qalasynan bastalǵandyǵy jáne Semei qalasynyń ziialy qaýym ókilderimen kezdeskendigi týraly habarlaǵan bolatynbyz.
