Qazaqstan Prezidenti Qasym-Jomart Toqaev memleketter arasyndaǵy dostyq qarym-qatynasty nyǵaitýǵa qosqan eleýli úlesi men Abai murasyn nasihattaýda sińirgen eńbegi úshin birqatar sheteldik zertteýshi men aýdarmashyny II dárejeli "Dostyq" ordenimen marapattady, dep habarlaidy Aqorda.
Osylaisha, Prezident Jarlyǵymen Flýminense federaldyq ýniversiteti shet tilderi ortalyǵynyń oqytýshysy Ameriko Edelsio (Braziliia), Ýaqyptar ministrliginiń departament direktory Ganem Haled As-Said(Mysyr), Túrkiia jazýshysy Kibar Zafer marapattaldy.
II dárejeli "Dostyq" ordeni berilgender qatarynda ádebi redaktor Koshýt Leonard (Germaniia), Kembridj ýniversiteti baspa departamentiniń basqarýshy direktory Mann Djein (Ulybritaniia jáne Soltústik Irlandiia birikken koroldigi), Qytai jazýshysy Májit Aqbar, Orys ádebieti akademiiasynyń vitse-prezidenti Georgii Priahin bar.
Marapattalǵandar qataryna Madridtegi "Komplýtense"ýniversitetiniń professory Pýig Mariia Sanches, Armeniia Respýblikasy memlekettik basqarý akademiiasynyń oqytýshysy Hachatrian Shýshan, Qytai aýdarmashylar qaýymdastyǵynyń aǵa aýdarmashysy Hýanchjan Ha jáne Iran Islam Respýblikasynyń jazýshysy Shatqam Qajymuhamet ta engen.
Qujat qol qoiylǵan kúnnen bastap qoldanysqa enedi.
Aita keteiik, jýyrda Prezident Jarlyǵymen 10 tamyz qazaqtyń bas aqyny Abaidyń týǵan kúnine orai Abai kúni bolyp bekitildi.
