Foto:akorda.kz
Qarýly Kúshter Bas shtaby Tárbie jáne ideologiialyq jumys basqarmasynyń bastyǵy Serik Býrambaev Qazaqstanda Otan qorǵaýshylar kúni men Jeńis kúni qarsańynda qandai merekelik sharalar ótetinin aitty, - dep habarlaidy Tengrinews.kz.
Onyń aitýynsha, 6 mamyrda "Qazaqstan" ortalyq kontsert zalynda Joǵarǵy Bas qolbasshynyń, El Prezidentiniń barlyq áskeri qyzmetshilerge, Qarýly Kúshter men soǵys ardagerlerine, elorda turǵyndary men qonaqtaryna arnalǵan quttyqtaýy oqylady. Is-shara merekelik kontsertpen aiaqtalady.
"Qazaqstannyń barlyq óńirlerinde dańq memorialdaryna, áskeri boryshyn óteý kezinde qaza tapqan áskeri qyzmetkerlerge arnalǵan eskertkishterge, Uly Otan soǵysy jaýyngerlerine arnalǵan eskertkishter men obeliskterge gúl qoiý rásimderi ótedi.
9 mamyrda Nur-Sultanda Memleket basshysynyń qatysýymen "Otan qorǵaýshylar" monýmentine gúl shoqtary qoiylady. Sondai-aq osy kúni elimizdiń barlyq qalalarynda gúl shoqtary qoiylyp, qaza tapqan jaýyngerlerdiń rýhyna taǵzym etiledi", - dedi Serik Býrambaev Ortalyq kommýnikatsiialar qyzmetinde ótken brifingte.
