Foto: Aqordanyń baspasóz qyzmeti
Memleket basshysyna Túrkistan oblysynyń Saryaǵash aýdanynda 5 jasar qyz balanyń óltirilgeni jónindegi qaiǵyly oqiǵa týraly málimet berildi, dep habarlaidy "Ult aqparat" Aqordanyń resmi saityna silteme jasap.
Quqyq qorǵaý organdary isti tergeý amaldaryn júrgizip jatyr. Kúdikti anyqtaldy.
"Qolda bar aqparat boiynsha, kúdikti buǵan deiin kisi óltirgeni úshin sottalyp, 10 jylǵa bas bostandyǵynan aiyrylǵan. Biyl oǵan adam densaýlyǵyna qasaqana aýyr ziian keltirgeni úshin 3 jylǵa bas bostandyǵyn shekteý jóninde úkim shyǵarylǵan.
Prezident Bas prokýratýra men Ishki ister ministrligine bolǵan qaiǵyly oqiǵanyń mán-jaiyn muqiiat tekserýdi tapsyrdy. Memleket basshysy biyl shyǵarylǵan sot úkiminiń zańdylyǵyn qarastyrý jáne adamǵa qatysty asa qaýipti qylmys jasaǵany úshin qylmystyq jaýapkershilikti kúsheitý mańyzdy dep sanaidy.
Balanyń týystary men jaqyndaryna qaiǵyryp kóńil aitamyz" - delingen habarlamada,
