2023 jyl Qazaqstanda TMD-nyń halyq shyǵarmashylyǵy jáne mádeni murasy jyly dep jariialandy. Bul týraly TMD uiymyna múshe memleketter basshylary keńesiniń kezekti otyrysynda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Mádeni-gýmanitarlyq ólshemder dástúrli túrde tarihi bailanystardy saqtaý men halyqtarymyzdy munan ary da jaqyndata túsýde mańyzdy rólge ie. Osyǵan orai biz kelesi jyldy TMD-nyń halyq shyǵarmashylyǵy jáne mádeni murasy jyly dep jariialadyq. Ony ótkizý jospary tarihi balanystardy saqtaýǵa, mádeniet, týrizm men sport salalaryndaǵy ózara is-qimyldy nyǵaitýǵa baǵyttalǵan shamamen 100 is-sharany qamtidy», - dedi Qasym-Jomart Toqaev.
QR Prezidentiniń atap ótýinshe, bul saladaǵy yntymaqtastyqty tereńdete túsýge buǵan deiin qabyldanǵan baǵdarlamalyq qujattar septigin tigize alady. Olardyń qatarynda jastar yntymaqtastyǵy, týrizm, dene shynyqtyrý jáne sport salalaryna qatysty strategiialar bar.
«Osy múmkindikti paidalana otyryp, Moldova halqyn Komrat qalasyn 2023 jylǵy TMD-nyń mádeni astanasy bolyp tańdalýymen quttyqtaimyn», - dedi Memleket basshysy.
