2023 جىل قازاقستاندا تمد-نىڭ حالىق شىعارماشىلىعى جەنە مەدەني مۇراسى جىلى دەپ جارييالاندى. بۇل تۋرالى تمد ۇيىمىنا مٷشە مەملەكەتتەر باسشىلارى كەڭەسٸنٸڭ كەزەكتٸ وتىرىسىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«مەدەني-گۋمانيتارلىق ٶلشەمدەر دەستٷرلٸ تٷردە تاريحي بايلانىستاردى ساقتاۋ مەن حالىقتارىمىزدى مۇنان ارى دا جاقىنداتا تٷسۋدە ماڭىزدى رٶلگە يە. وسىعان وراي بٸز كەلەسٸ جىلدى تمد-نىڭ حالىق شىعارماشىلىعى جەنە مەدەني مۇراسى جىلى دەپ جارييالادىق. ونى ٶتكٸزۋ جوسپارى تاريحي بالانىستاردى ساقتاۋعا, مەدەنيەت, تۋريزم مەن سپورت سالالارىنداعى ٶزارا ٸس-قيمىلدى نىعايتۋعا باعىتتالعان شامامەن 100 ٸس-شارانى قامتيدى», - دەدٸ قاسىم-جومارت توقاەۆ.
قر پرەزيدەنتٸنٸڭ اتاپ ٶتۋٸنشە, بۇل سالاداعى ىنتىماقتاستىقتى تەرەڭدەتە تٷسۋگە بۇعان دەيٸن قابىلدانعان باعدارلامالىق قۇجاتتار سەپتٸگٸن تيگٸزە الادى. ولاردىڭ قاتارىندا جاستار ىنتىماقتاستىعى, تۋريزم, دەنە شىنىقتىرۋ جەنە سپورت سالالارىنا قاتىستى ستراتەگييالار بار.
«وسى مٷمكٸندٸكتٸ پايدالانا وتىرىپ, مولدوۆا حالقىن كومرات قالاسىن 2023 جىلعى تمد-نىڭ مەدەني استاناسى بولىپ تاڭدالۋىمەن قۇتتىقتايمىن», - دەدٸ مەملەكەت باسشىسى.
