16 naýryzda Memleket basshysy Qasym-Jomart Toqaev halyqqa Joldaý jasaidy, - dep habarlaidy "Ult aqparat" "BORT N1" Telegram-arnasyna silteme jasap.
"Memleket basshysy Qasym-Jomart Toqaev 16 naýryzda QR Parlamenti palatalarynyń birlesken otyrysyna qatysyp, Qazaqstan halqyna Joldaý jasaidy dep josparlanyp otyr.
Prezidenttiń bul Joldaýynda jýyq arada júzege asyrylatyn saiasi reformalardyń jańa baǵdarlamasy men áleýmettik-ekonomikalyq baǵytta atqarylatyn is-sharalar týraly aitylmaq. Memleket basshysynyń Joldaýy saǵat 11:00-de respýblikalyq telearnalardan tikelei efirde kórsetiledi. Sondai-aq "BORT N1" telegram-kanaly jiynnan jedel habar taratady", - delingen habarlamada.
