Memleket basshysy Qasym-Jomart Toqaev «Iadrolyq qarýsyz álem jáne jahandyq qaýipsizdik úshin Nazarbaev syilyǵyn» tapsyrýǵa arnalǵan saltanatty rásimge qatysty, dep habarlaidy "Ult aqparat" Aqordaǵa silteme jasap.
Qazaqstannyń Tuńǵysh Prezidenti – Elbasy Nursultan Nazarbaev atalǵan syilyqty bul marapatqa qaitys bolǵannan keiin laiyq dep tanylǵan MAGATE-niń burynǵy bas direktory Iýkiia Amanonyń jaqyndaryna jáne Iadrolyq synaqtarǵa jalpyǵa birdei tyiym salý týraly shart uiymynyń atqarýshy hatshysy Lassina Zerboǵa tapsyrdy.
Qasym-Jomart Toqaev óz sózinde bul is-sharanyń Iadrolyq synaqtarǵa qarsy halyqaralyq kún merekesimen tuspa-tus kelýiniń simvoldyq máni bar ekenin atap ótti.
– Biyl Qazaqstannyń iadrolyq qarýdy taratpaý týraly shartqa jáne MAGATE-ge qosylǵanyna 25 jyl toldy. Sondai-aq, Ortalyq Aziiada iadrolyq qarýdan azat aimaq qurý týraly sharttyń kúshine engenine 10 jyl boldy, – dedi Memleket basshysy.
Qasym-Jomart Toqaev Qazaqstannyń Tuńǵysh Prezidentiniń jahandyq antiiadrolyq qozǵalystyń kóshbasshysy retinde álemdik qoǵamdastyq tarapynan ádiletti túrde moiyndalǵanyn atap ótti.
– Elbasy Nursultan Nazarbaevtyń Semei iadrolyq synaq poligonyn jabý týraly Jarlyǵynyń tarihi máni bar. Keńestik áskeri elita men keibir saiasatkerlerdiń qarsylyǵyna qaramastan iadrolyq poligondy jabý týraly Tuńǵysh Prezidenttiń qabyldaǵan sheshimi zor batyldyq pen temirdei erik-jigerdi talap etti. Ol búkilálemdik antiiadrolyq qozǵalysqa katalizator boldy, – dep málimdedi Memleket basshysy.
Qazaqstan Prezidenti halyqaralyq qaýipsizdikti qamtamasyz etý isinde mańyzdy ról atqarǵan Elbasynyń bastamalaryna toqtaldy.
– Ortalyq Aziiada iadrolyq qarýdan azat aimaq qurý jónindegi usynystar, MAGATE-niń qoldaýymen elimizdiń aýmaǵynda Ýrannyń tómen baiytylǵan bankiniń ornalastyrylýy, Irannyń iadrolyq máselesin retteýde Qazaqstannyń deldaldyq kúsh-jigeri, sondai-aq Iadrolyq qarýdan azat álem qurý týraly BUU Bas Assambleiasynyń jalpyǵa ortaq deklaratsiiasy jahandyq turaqtylyq pen senim negizin nyǵaitýǵa aitarlyqtai úles qosty, – dep atap ótti Qasym-Jomart Toqaev.
Sonymen qatar, Memleket basshysy álemniń keibir óńirlerinde iadrolyq qaýip-qaterdiń saqtalyp otyrǵanyna nazar aýdardy.
– BUU málimetinshe, búginde álemde 15 myń iadrolyq qarý saqtalýda, onyń júzden astamy sanaýly minýttardyń ishinde iske qosyla alady. Halyqaralyq qatynastardaǵy qaqtyǵys áleýetiniń artýyna jáne qarjy-ekonomikalyq qaishylyqtardyń kúsheiýine bailanysty ahýal shielenisip ketti. Irannyń iadrolyq baǵdarlamasy jónindegi is-qimyldardyń jalpyǵa birdei birlesken josparynyń, sondai-aq Orta jáne jaqyn qashyqtyqtaǵy zymyrandardy joiý týraly sharttyń taǵdyry aiqyndalmai otyr, – dedi Prezident.
Qasym-Jomart Toqaev syilyqtyń laýreattary – MAGATE-niń burynǵy basshysy marqum Iýkiia Amano men Iadrolyq synaqtarǵa jalpyǵa birdei tyiym salý týraly shart uiymynyń atqarýshy hatshysy Lassina Zerbonyń sińirgen eńbegin atap ótip, olardyń iadrolyq qarýdy taratpaý jáne halyqaralyq qaýipsizdik isine qosqan zor úlesterin joǵary baǵalady.
– Iýkiia Amano MAGATE-niń basshysy qyzmetin atqarǵan kezde Qazaqstanda Ýrannyń tómen baiytylǵan bankin qurý isinde mańyzdy ról atqardy jáne Irannyń iadrolyq problemasyn sheshýge atsalysty. Lassina Zerbonyń qyzmeti men kúsh-jigeri Iadrolyq synaqtarǵa jalpyǵa birdei tyiym salý týraly shart Monitoringiniń halyqaralyq jelisin qurý jónindegi jumystardyń is júzinde tolyq aiaqtalýyna múmkindik berdi. Sondai-aq, ol Shart uiymynyń Kórnekti qairatkerler toby men Jastar tobyn qurý jóninde bastama kóterdi.
Qazaqstan Prezidenti sóziniń sońynda iadrolyq qarýsyzdaný jáne iadrolyq qarýdy taratpaý isindegi birlesken kúsh-jigerdi jalǵastyrýǵa shaqyrdy. Onyń aitýynsha, Elbasynyń antiiadrolyq bastamalary jahandyq qaýipsizdikti nyǵaitý úderisiniń mańyzdy baǵdary bolyp qala berýi tiis.
