Memleket basshysy Qasym-Jomart Toqaev "Qazaqstan Respýblikasynyń qarjylyq turaqtylyǵyn qamtamasyz etý sharalary týraly" Jarlyqqa qol qoidy, - dep habarlaidy "Ult aqparat" Aqordanyń resmi saityna silteme jasap.
"Qazaqstan Respýblikasynyń ulttyq múddelerin qorǵaý jáne Qazaqstan Respýblikasynyń qarjylyq turaqtylyǵyn qamtamasyz etý maqsatynda QAÝLY ETEMIN:
1. Qazaqstan Respýblikasynan:
1) Qazaqstan Respýblikasynyń Ulttyq banki áketý kúnine belgilegen baǵam boiynsha eseptelgen jáne 10 000 (on myń) AQSh dollary balamasynan asatyn somadaǵy qolma-qol shetel valiýtasyn jáne (nemese) shetel valiýtasyndaǵy aqsha quraldaryn;
2) Qazaqstan Respýblikasynyń Ulttyq Banki shyǵaratyn affinirlengen altynnyń 5, 10, 20, 50 jáne 100 gramm altyn quimalaryn jáne altynnan jasalǵan ALTYN BARYS jáne kúmisten jasalǵan KÚMIS BARYS investitsiialyq monetalaryn, sondai-aq, 100 gramnan asa affinirlengen altyndy áketýge tyiym salynsyn.
2. Qazaqstan Respýblikasynyń Úkimeti Qazaqstan Respýblikasynyń Ulttyq Bankimen jáne basqa da múddeli memlekettik organdarmen birlesip osy Jarlyqty iske asyrý jóninde qajetti sharalar qabyldasyn.
3. Osy Jarlyq resmi jariialanǵan kúninen bastap kúshine enedi", - delingen qaýlyda.
