Memleket basshysy Qasym-Jomart Toqaev Túrkiia Prezidenti Rejep Taiip Erdoǵanmen telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
Qazaqstan men Túrkiia kóshbasshylary birin-biri Oraza ait merekesimen quttyqtady jáne baýyrlas eki halyqtyń ósip-órkendep, jetistikke jetýine tilektestik bildirdi.
Prezidentter saýda-ekonomikalyq, investitsiialyq jáne mádeni-gýmanitarlyq yntymaqtastyqty odan ári nyǵaitýǵa mán bere otyryp, qazaq-túrik strategiialyq seriktestigin damytýdyń perspektivalaryn talqylady.
Rejep Taiip Erdoǵan Qasym-Jomart Toqaevtyń 10-11 mamyrda Túrkiiaǵa josparlaǵan memlekettik sapary eki el arasyndaǵy jan-jaqty strategiialyq seriktestikti keńeitýdiń mańyzdy belesi bolatynyn aitty. Memleketimizdiń basshysy Ankaradaǵy kelissózder osyndai deńgeide ótedi degen pikirmen kelisti.
Qazaqstan Prezidenti ekonomikalyq, gýmanitarlyq jáne mádeni bailanystardy keńeitýde Túrki memleketteri uiymynyń róli zor ekenin atap ótti.
Eki memlekettiń basshylary dástúrli dostyq ráýishte áńgimelesti.
