Premer-Ministrdiń orynbasary Eraly Toǵjanov ekinshi qazaqstandyq vaktsinany oilap tapqan mamandarǵa alǵys bildirdi, dep habarlaidy "Ult aqparat".
«Ózderińiz biletindei, bizdiń ǵalymdar buǵan deiin inaktivti vaktsina daiyndap shyǵarǵan bolatyn. Keshe ǵana QazCoVac-P atty ekinshi otandyq sýbbirlikti vaktsinanyń klinikalyq zertteýi bastaldy. Iaǵni klinikalyq zertteýler júrgizýge ruqsat berildi. Buǵan deiin klinikaǵa deiingi synaqtardan sátti ótken bolatyn. Meniń oiymsha, bul mańyzdy jańalyq. Bul otandyq mamandardyń qolynan shyqqan ekinshi vaktsina dep aitýǵa bolady. Osy iske atsalysqandardyń bárine alǵys aitqym keledi. Álem búgin pandemiiadan shyǵýdyń basqa amalyn oilap tapqan joq. Bul baǵytta ári qarai jumys isteitin bolamyz», - dedi Eraly Toǵjanov Meditsina qyzmetkerleri kúnine arnalǵan kezdesýde.
Eske salsaq, keshe Taraz qalasyndaǵy kópbeiindi qalalyq aýrýhanada 18-50 jas aralyǵyndaǵy eriktilerdiń qatysýymen QazCoVac-P sýbbirlikti vaktsinasynyń klinikalyq synaǵy bastalǵan bolatyn.
