QR Premer-Ministriniń orynbasary Eraly Toǵjanov memlekettik organdar ókilderiniń qatysýymen Nur-Sultan qalasy áýejaiynyń sanitarlyq-karantindik pýnktin, shekaralyq baqylaý jáne basqa da qyzmetteriniń jumysyn tekserdi, dep habarlaidy "Ult aqparat".
Koronavirýstyń taralýyna jol bermeý jónindegi vedomstvoaralyq komissiianyń málimetinde aitylǵandai, delegatsiia halyqaralyq reistermen keletin jolaýshylardyń qozǵalys marshrýtymen tolyq tanysty. Atap aitqanda, jolaýshylardyń áýelainerden túsýi, kontaktisiz termometriiadan ótýi, saýalnama toltyrýy, sondai-aq PTR ádisimen COVID-19-ǵa testileýden ótkeni týraly anyqtamasy joq azamattardy karantindik statsionarǵa ornalastyrý úshin avtobýstarǵa otyrǵyzý protsedýralary tekserildi.
Qazannyń 14-inen 15-ine qaraǵan túni Nur-Sultan áýejaiyna bortynda 533 jolaýshysy bar 5 ushaq qondy. Kelgen azamattardyń 118-inde COVID-19-ǵa PTR-taldaýdyń teris nátijesi týraly anyqtamalary bolmaǵan. Olardyń barlyǵy PTR-taldaý tapsyrý úshin eki táýlikke karantindik statsionarǵa ornalastyryldy.
Elorda áýejaiyn tekserý qorytyndysy boiynsha Premer-Ministrdiń orynbasary aviajolaýshylar betperde rejimi men áleýmettik araqashyqtyqty qatań saqtaý kerektigin atap ótti. Sondai-aq qadaǵalaýshy organdarǵa sanitarlyq qyzmetterdiń nusqamalaryn jiti qadaǵalap, oryndaýdy júktedi.
Sonymen birge, vitse-premer birlese jumylǵanda ǵana COVID-19 pandemiiasynyń taralýyn túpkilikti toqtatýǵa boltyndyǵyn basa aitty.
