قر پرەمەر-مينيسترٸنٸڭ ورىنباسارى ەرالى توعجانوۆ مەملەكەتتٸك ورگاندار ٶكٸلدەرٸنٸڭ قاتىسۋىمەن نۇر-سۇلتان قالاسى ەۋەجايىنىڭ سانيتارلىق-كارانتيندٸك پۋنكتٸن, شەكارالىق باقىلاۋ جەنە باسقا دا قىزمەتتەرٸنٸڭ جۇمىسىن تەكسەردٸ, دەپ حابارلايدى "ۇلت اقپارات".
كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ مەلٸمەتٸندە ايتىلعانداي, دەلەگاتسييا حالىقارالىق رەيستەرمەن كەلەتٸن جولاۋشىلاردىڭ قوزعالىس مارشرۋتىمەن تولىق تانىستى. اتاپ ايتقاندا, جولاۋشىلاردىڭ ەۋەلاينەردەن تٷسۋٸ, كونتاكتٸسٸز تەرمومەترييادان ٶتۋٸ, ساۋالناما تولتىرۋى, سونداي-اق پتر ەدٸسٸمەن COVID-19-عا تەستٸلەۋدەن ٶتكەنٸ تۋرالى انىقتاماسى جوق ازاماتتاردى كارانتيندٸك ستاتسيونارعا ورنالاستىرۋ ٷشٸن اۆتوبۋستارعا وتىرعىزۋ پروتسەدۋرالارى تەكسەرٸلدٸ.
قازاننىڭ 14-ٸنەن 15-ٸنە قاراعان تٷنٸ نۇر-سۇلتان ەۋەجايىنا بورتىندا 533 جولاۋشىسى بار 5 ۇشاق قوندى. كەلگەن ازاماتتاردىڭ 118-ٸندە COVID-19-عا پتر-تالداۋدىڭ تەرٸس نەتيجەسٸ تۋرالى انىقتامالارى بولماعان. ولاردىڭ بارلىعى پتر-تالداۋ تاپسىرۋ ٷشٸن ەكٸ تەۋلٸككە كارانتيندٸك ستاتسيونارعا ورنالاستىرىلدى.
ەلوردا ەۋەجايىن تەكسەرۋ قورىتىندىسى بويىنشا پرەمەر-مينيستردٸڭ ورىنباسارى اۆياجولاۋشىلار بەتپەردە رەجيمٸ مەن ەلەۋمەتتٸك اراقاشىقتىقتى قاتاڭ ساقتاۋ كەرەكتٸگٸن اتاپ ٶتتٸ. سونداي-اق قاداعالاۋشى ورگاندارعا سانيتارلىق قىزمەتتەردٸڭ نۇسقامالارىن جٸتٸ قاداعالاپ, ورىنداۋدى جٷكتەدٸ.
سونىمەن بٸرگە, ۆيتسە-پرەمەر بٸرلەسە جۇمىلعاندا عانا COVID-19 پاندەميياسىنىڭ تارالۋىن تٷپكٸلٸكتٸ توقتاتۋعا بولتىندىعىن باسا ايتتى.
