Mańǵystaý oblysynyń ákimi Eraly Toǵjanov aimaqta dini ahýal qatań baqylaýda ekenin málimdedi, dep habarlaidy Sputnik Qazaqstan tilshisi.
"Mańǵystaý oblysy hidjab máselesin sheshken Qazaqstandaǵy bir ǵana oblys. Árine, ońai bolǵan joq. Ata-analar tarapynan qatty qarsylyq boldy, bizge neshe túrli áńgime aityldy. "Balalardyń quqyǵyn buzasyńdar, olarǵa kedergi jasap jatsyńdar" degen áńgimeni de estidik. Biraq biz eshqandai balanyń quqyǵyn buzǵan joqpyz. Balanyń betin jaýyp tastap, mektepke jibersek, quqyǵyn buzý degen sol shyǵar. Ol bolashaqta qandai adam bolady? Múmkin odan belgili ǵalym shyǵatyn shyǵar. Ol bir. Ekinshiden, eger ol balalarǵa memlekettik ánuranǵa turýǵa bolmaidy dep onyń sanasyna memleketke qarsy oi tastasa, dene shynyqtyrý sabaǵyna barý qajet emes deitin bolsa, bul - din emes. Memlekettik gimnge qarsy shyqty degen bul memlekettiń simvolyna qarsy shyqty degen áńgime. Ol jerde din emes, tikelei saiasi másele jatyr. Sondyqtan bul másele qatań baqylaýda", — dedi ákim OKQ-de ótken baspasóz máslihatynda.
Toǵjanov dini máseleni oqýshylar men ata-analar arasynda túsindirý jumystaryn júrgizý arqyly ǵana emes, kásibi imamdardy tartý arqyly da sheship jatqanyn atap ótti.
