Búgin QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) otyrysy ótti, dep habarlaidy "Ult aqparat".
Shara barysynda Densaýlyq saqtaý ministri Aleksei Tsoi «Delta» shtamyna tán COVID-19 mýtatsiiasy anyqtalǵannan keiin Qazaqstandaǵy aǵymdaǵy epidemiologiialyq jaǵdai týraly baiandady.
Epidahýaldyń ýshyǵýyna bailanysty vitse-premer oblys ákimdikterine «sary» aimaqta ornalasqan óńirlerde kúsheitilgen shekteý sharalaryn qabyldaýdy tapsyrdy.
Premer-Ministrdiń orynbasary el boiynsha vaktsinalaýdyń joǵary qarqynyna qaramastan, búginde Mańǵystaý, Atyraý jáne Batys Qazaqstan oblystarynda júrgizilip jatqan jumys belsendiliginiń tómen ekenin atap ótti.
Sondai-aq ákimdikterge mobildi brigadalardyń shyǵýyn uiymdastyrý arqyly aýyl turǵyndaryn vaktsinalaý jumystaryn kúsheitý tapsyryldy.
Sonymen qatar Eraly Toǵjanov monitoringilik toptardyń jumysyn kúsheitýdi tapsyrdy, ásirese Almaty, Atyraý jáne Soltústik Qazaqstan oblystarynda belsendendirý qajet.
«Ashyq» jobasyna qatysatyn biznes sýbektileriniń qyzmetine júrgizilgen monitoring qorytyndysyna sáikes «Atameken» UKP usynysy boiynsha kelýshilerdiń mártebesin teksermeitin 464 nysandy júieden 2 aptaǵa alyp tastaý týraly sheshim qabyldandy.
Budan bólek, ákimdikterge kelýshilerdiń tym az sany tekseriletin 2,4 myńnan astam «Ashyq» qatysýshylaryn tekserý tapsyryldy.
VAK otyrysynda Ishki ister ministrliginiń birinshi orynbasary Marat Qojaev PTR-testilerdi qoldan jasaý jáne ótkizý faktileri boiynsha jyl basynan beri politsiia organdary 23 qylmystyq is, al jalǵan vaktsinatsiia pasporttaryn paidalaný faktileri boiynsha 4 qylmystyq is qozǵalǵanyn baiandady.
Eraly Toǵjanov Ishki ister ministrligine PTR-test nátijelerin jáne vaktsinatsiia pasporttaryn qoldan jasaýmen ainalysatyn adamdardy anyqtaý jáne jaýapkershilikke tartý boiynsha jumysty kúsheitýdi tapsyrdy.
Jańa oqý jylyna dástúrli formatta daiyndalý maqsatynda VAK tóraǵasy óńirlerdiń ákimdikterine bilim berý mekemelerin aldyn ala daiyndap, qoiylatyn sanitariialyq talaptarǵa sáikestigin tekserý qajettigin aitty.
Otyrys sońynda Premer-Ministrdiń orynbasary ózge de birqatar mańyzdy tapsyrmalar berdi.
