بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) وتىرىسى ٶتتٸ, دەپ حابارلايدى "ۇلت اقپارات".
شارا بارىسىندا دەنساۋلىق ساقتاۋ مينيسترٸ الەكسەي تسوي «دەلتا» شتامىنا تەن COVID-19 مۋتاتسيياسى انىقتالعاننان كەيٸن قازاقستانداعى اعىمداعى ەپيدەميولوگييالىق جاعداي تۋرالى باياندادى.
ەپيداحۋالدىڭ ۋشىعۋىنا بايلانىستى ۆيتسە-پرەمەر وبلىس ەكٸمدٸكتەرٸنە «سارى» ايماقتا ورنالاسقان ٶڭٸرلەردە كٷشەيتٸلگەن شەكتەۋ شارالارىن قابىلداۋدى تاپسىردى.
پرەمەر-مينيستردٸڭ ورىنباسارى ەل بويىنشا ۆاكتسينالاۋدىڭ جوعارى قارقىنىنا قاراماستان, بٷگٸندە ماڭعىستاۋ, اتىراۋ جەنە باتىس قازاقستان وبلىستارىندا جٷرگٸزٸلٸپ جاتقان جۇمىس بەلسەندٸلٸگٸنٸڭ تٶمەن ەكەنٸن اتاپ ٶتتٸ.
سونداي-اق ەكٸمدٸكتەرگە موبيلدٸ بريگادالاردىڭ شىعۋىن ۇيىمداستىرۋ ارقىلى اۋىل تۇرعىندارىن ۆاكتسينالاۋ جۇمىستارىن كٷشەيتۋ تاپسىرىلدى.
سونىمەن قاتار ەرالى توعجانوۆ مونيتورينگٸلٸك توپتاردىڭ جۇمىسىن كٷشەيتۋدٸ تاپسىردى, ەسٸرەسە الماتى, اتىراۋ جەنە سولتٷستٸك قازاقستان وبلىستارىندا بەلسەندەندٸرۋ قاجەت.
«Ashyq» جوباسىنا قاتىساتىن بيزنەس سۋبەكتٸلەرٸنٸڭ قىزمەتٸنە جٷرگٸزٸلگەن مونيتورينگ قورىتىندىسىنا سەيكەس «اتامەكەن» ۇكپ ۇسىنىسى بويىنشا كەلۋشٸلەردٸڭ مەرتەبەسٸن تەكسەرمەيتٸن 464 نىساندى جٷيەدەن 2 اپتاعا الىپ تاستاۋ تۋرالى شەشٸم قابىلداندى.
بۇدان بٶلەك, ەكٸمدٸكتەرگە كەلۋشٸلەردٸڭ تىم از سانى تەكسەرٸلەتٸن 2,4 مىڭنان استام «Ashyq» قاتىسۋشىلارىن تەكسەرۋ تاپسىرىلدى.
ۆاك وتىرىسىندا ٸشكٸ ٸستەر مينيسترلٸگٸنٸڭ بٸرٸنشٸ ورىنباسارى مارات قوجاەۆ پتر-تەستٸلەردٸ قولدان جاساۋ جەنە ٶتكٸزۋ فاكتٸلەرٸ بويىنشا جىل باسىنان بەرٸ پوليتسييا ورگاندارى 23 قىلمىستىق ٸس, ال جالعان ۆاكتسيناتسييا پاسپورتتارىن پايدالانۋ فاكتٸلەرٸ بويىنشا 4 قىلمىستىق ٸس قوزعالعانىن باياندادى.
ەرالى توعجانوۆ ٸشكٸ ٸستەر مينيسترلٸگٸنە پتر-تەست نەتيجەلەرٸن جەنە ۆاكتسيناتسييا پاسپورتتارىن قولدان جاساۋمەن اينالىساتىن ادامداردى انىقتاۋ جەنە جاۋاپكەرشٸلٸككە تارتۋ بويىنشا جۇمىستى كٷشەيتۋدٸ تاپسىردى.
جاڭا وقۋ جىلىنا دەستٷرلٸ فورماتتا دايىندالۋ ماقساتىندا ۆاك تٶراعاسى ٶڭٸرلەردٸڭ ەكٸمدٸكتەرٸنە بٸلٸم بەرۋ مەكەمەلەرٸن الدىن الا دايىنداپ, قويىلاتىن سانيتارييالىق تالاپتارعا سەيكەستٸگٸن تەكسەرۋ قاجەتتٸگٸن ايتتى.
وتىرىس سوڭىندا پرەمەر-مينيستردٸڭ ورىنباسارى ٶزگە دە بٸرقاتار ماڭىزدى تاپسىرمالار بەردٸ.
