Úkimet delegatsiiasynyń Mańǵystaý, Atyraý, Aqtóbe, Batys Qazaqstan jáne Qyzylorda oblystaryna sapary barysynda Qazaqstan Respýblikasy Premer-Ministriniń orynbasary ár oblystaǵy týberkýlezge qarsy dispanserlerde jáne juqpaly aýrýlar aýrýhanalarynda boldy.
Bul týraly QR Úkimetiniń resmi saity habarlady.
«Bizdiń elimizde koronavirýstyń taralýyn boldyrmaý úshin shuǵyl sharalar qabyldanǵanyn bilesizder. Ókinishke qarai, bizdiń elde koronavirýs qaýpi týraly aqparat rastaldy. Búgin bizdiń aldymyzda koronavirýstyq pnevmoniiaǵa qarsy turý mańyzdy mindeti tur», - dep atap ótti Eraly Toǵjanov.
Aýrýdyń aldyn alý úshin elimizdiń aimaqtarynda oqshaýlanýǵa arnalǵan aýrýhanalar daiyndalǵan. Buǵan deiin habarlanǵandai, oblystardaǵy barlyq meditsinalyq mekemeler belsendi jumys istep, shekaralyq karantin beketteri quryldy, meditsina qyzmetkerleri oqytylyp, jeke qorǵanys quraldarymen qamtamasyz etildi.
Mańǵystaý oblysynda 60 tósek-oryndyq Mańǵystaý oblystyq aýrýhanasynyń infektsiialyq bólimi, 280 tósek-oryndyq oblystyq týberkýlezge qarsy dispanseri (farmatsevtikalyq aýrýhana) jumys isteidi. 70 tósek-oryndyq Jańaózen qalasyndaǵy kópsalaly aýrýhananyń infektsiialyq bólimi jáne oblysta 7 sanitarlyq karantin pýnkti bar.
Atyraý oblysynda barlyq meditsinalyq nysandar belsendi jumys isteýge kóshti, shekaralyq karantin beketteri quryldy, meditsina qyzmetkerleri oqytylyp, jeke qorǵanys quraldarymen qamtamasyz etildi. Sonymen qatar, aimaqta jeldetýdiń 12 mehanikalyq qurylǵysy jáne 100 oryndyq oqshaýlanǵan ǵimarat bar.
Aqtóbe oblysynda koronavirýstyq infektsiianyń taralýyn boldyrmaý jónindegi is-sharalar aiasynda qajetti sharalar qabyldanýda. 130 kereýetke arnalǵan tósek qory, modernizatsiialanǵan materialdyq-tehnikalyq bazasy bar infektsiialyq aýrýhanasy, 200 oryndyq farmatsevtikalyq aýrýhana, 500 oryndyq observatsiia bar. Mekemeler qajetti dári-dármektermen qamtamasyz etilgen, meditsina qyzmetkerleri oqytyldy.
Batys Qazaqstan oblysynda barlyq meditsinalyq uiymdar jeke qorǵanys quraldarymen, dári-dármektermen jáne qajetti dezinfektsiialyq quraldarmen qamtamasyz etilgen. Qazaqstan Respýblikasy Úkimetiniń rezervinen dári-dármekter men meditsinalyq maqsattaǵy buiymdardy satyp alýǵa 38,9 mln teńge bólindi. Oblysta infektsiialyq, aldyn-alý jáne karantindik oryndar anyqtaldy. Oblystyń meditsinalyq mekemelerinde 194 tósek ornalastyrylǵan.
Koronavirýstyq infektsiiaǵa kúdikti naýqastar joq. Basqa elderden kelgenderge táýlik boiy monitoring júrgizilýde.
Qyzylorda oblysynda koronavirýstyq infektsiia tirkelmegen. Oblysta 100 oryndyq provizorlyq statsionar jáne 400 oryndyq karantin ortalyǵy qajetti qural-jabdyqtarmen, meditsinalyq qorǵanys quraldarymen jáne dári-dármektermen jabdyqtalǵan. Sonymen qatar QR Úkimeti qabyldaǵan sharalarǵa sáikes koronavirýstyq infektsiianyń taralýyn boldyrmaý úshin qajetti sharalar qabyldanýda.
Qazaqstan Respýblikasy Premer-Ministriniń orynbasary koronovirýs infektsiiasy bar naýqastarǵa meditsinalyq kómek kórsetýge arnalǵan meditsinalyq uiymdardyń daiyndyǵy men jabdyqtalý deńgeiimen tanysý nátijeleri boiynsha qajetti dári-dármektermen jáne meditsinalyq uiymdardy qajetti meditsinalyq jabdyqtarmen, jeke qorǵanys quraldarymen qamtamasyz etýdiń mańyzdylyǵyn atap ótti.
Sondai-aq infektsiialyq aýrýhanalardyń patsientterdi qabyldaýǵa daiyndyǵy men qajet bolǵan jaǵdaida qosymsha oryndardy jedel berý qajettiligi jáne epidemiologiialyq jaǵdaiǵa turaqty monitoring júrgizýge erekshe nazar aýdaryldy.
Eske salaiyq, QR Prezidenti Qasym-Jomart Toqaevtyń tapsyrmasymen Premer-Ministrdiń basshylyǵymen eldegi ekonomikalyq jaǵdaidyń daǵdarysqa qarsy josparyn ázirleý úshin jedel áreket etý shtaby quryldy.
Memleket basshysy Úkimetke halyq aldyndaǵy barlyq mindettemelerdi tolyǵymen oryndaýdy, jumyspen qamtýdy jáne áleýmettik turaqtylyqty qamtamasyz etý jónindegi sharalardy kúsheitýdi tapsyrdy.
13-15 naýryzda Qazaqstan Respýblikasy Premer-Ministriniń orynbasary Eraly Toǵjanov bastaǵan úkimet delegatsiiasy Qazaqstannyń bes oblysynda boldy.
