Búgin QR Parlamenti palatalarynyń birlesken otyrysynda Premer-Ministrdiń orynbasary Eraly Toǵjanov balalardyń qaýipsizdigin qamtamasyz etý úshin qabyldanǵan is-sharalardy atady, dep habarlaidy "Ult aqparat".
«Qazanda bolǵan oqys jaǵdaiǵa bailanysty birden arnaiy otyrys ótken bolatyn. Onda birneshe naqty sheshim qabyldandy. Birinshi sheshim normativtik-quqyqtyq baǵytty kúsheitýge bailanysty. Onyń ishinde naqtyraq aitar bolsaq, elimizde 6500-ge jýyq mektep, 800-ge jýyq densaýlyq saqtaý jáne 500-ge jýyq mádeniet nysanyndaǵy qaýipsizdikke qatysty naqty is-sharalar qabyldandy. Ekinshi sheshim oqys jaǵdai nemese daǵdarys bolǵanda mekteptegi muǵalimder men oqýshylardyń is-qimylyna bailanysty naqty algoritm qabyldandy. Úshinshi sheshim joǵaryda atalǵan nysandardyń materialdyq-tehnikalyq bazasyna qatysty boldy», - dedi Eraly Toǵjanov depýtattardyń saýalyna orai.
Onyń atap ótýinshe, ótken jyly elimizdegi mektepter 100 paiyz beinebaqylaý kamerasymen jabdyqtalǵan.
«Biraq naqty taldamanyń aiasynda olardyń 23 paiyzyn qaita qarastyrý qajettigi anyqtaldy. Onyń bári oqý jyly bastalǵansha qalypqa keltiriledi. Sonymen qatar mektepterdegi agressivtik minez-qulyqty tómendetýge baǵyttalǵan is-sharalar qabyldanady. Kiberbýlligke bailanysty máselelerdi de qarastyramyz. Internet resrýstardy da jan-jaqty baqylap otyrmyz. Qysqa ýaqyttyń ishinde 5 myńǵa jýyq zańǵa qaishy jumys isteitin resýrstar anyqtaldy», - dedi Úkimet basshysynyń orynbasary.
