© Sputnik / Vladislav Vodnev
Eraly Toǵjanov Aqtóbe oblysy ákimi bolyp taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Eraly Luqpanuly Toǵjanov Aqtóbe oblysynyń ákimi bolyp taǵaiyndalsyn, ol Qazaqstan Respýblikasy Premer-Ministriniń orynbasary laýazymynan bosatylsyn", - delingen Prezident Jarlyǵynda.
Buǵan deiin Aqtóbe oblysynyń ákimi qyzmetin Ońdasyn Orazalin atqarǵan bolatyn.
Eraly Toǵjanov 1963 jylǵy 13 mamyrda Batys Qazaqstan oblysynda dúniege kelgen. 1988 jyly Qaraǵandy memlekettik ýniversitetin, 1994 jyly Qazaqstan Respýblikasynyń Ǵylym akademiiasynyń Memleket jáne quqyq institýtyn támamdaǵan. Mamandyǵy - zańger.
Eńbek jolyn 1980 jyly Oral oblysy Oktiabr orman sharýashylyǵynyń jumysshysy retinde bastaǵan. 1988-2001 jyldary Qaraǵandy memlekettik ýniversitetinde oqytýshy, QR Ǵylym akademiiasynyń Memleket jáne quqyq institýtynyń direktory, fakýltet dekany, Qazaq memlekettik zań ýniversiteti filialynyń direktory bolǵan, al 2001-2006 jyldary Qaraǵandy oblysy ákiminiń orynbasary qyzmetin atqarǵan. 2006-2008 jyldary Qazaqstan Respýblikasy Ádilet ministrliginiń Din isteri jónindegi komitet tóraǵasy bolǵan.
2008-2017 jyldary Qazaqstan halqy Assambleiasy tóraǵasynyń orynbasary, QR Prezidenti ákimshiliginiń Qazaqstan halqy Assambleiasynyń hatshylyǵynyń meńgerýshisi, QR Prezidenti ákimshiliginiń Ishki saiasat bóliminiń sektor meńgerýshisi qyzmetin atqarǵan. 2017-2019 jyldary Mańǵystaý oblysynyń ákimi, 2019-2020 jyldary QR Kásipodaqtar federatsiiasynyń tóraǵasy, 2020 jyly 11 aqpanda Memleket basshysynyń Jarlyǵymen QR premer-ministriniń orynbasary bolyp taǵaiyndalǵan. 2022 jyly 11 qańtarda osy qyzmetke qaita taǵaiyndaldy.
