Jyl basynan beri eńbek daýlary bar 140 problemalyq kásiporyn anyqtalyp, onyń 91-inde másele sheshilgen. Bul týraly QR Premer-Ministriniń orynbasary Eraly Toǵjanov Májilistiń jalpy otyrysynda aitty, dep habarlaidy QazAqparat.
«Jyl basynan beri eńbek daýlary bar 140 problemalyq kásiporyn anyqtalyp, 91-inde másele sheshildi. 49 kásiporynda jumys júrgizilýde. 800-den asa zań buzýshylyq joiylyp, 10 myńǵa jýyq qyzmetkerdiń quqyǵy qorǵaldy.
Ekinshiden, 200 kásiporynda 2,7 myńnan asa jumysker jalaqysy boiynsha bereshekti óteý qamtamasyz etildi.
Úshinshiden, 1 millionnan astam jumysshynyń jalaqysy 5-ten 50%-ǵa deiin kóterildi»,- dedi Eraly Toǵjanov.
Sondai-aq, ol qyzmet kórsetýshi kompaniialar qyzmetkerleriniń jalaqysy negizgi kompaniia qyzmetkerleriniń ortasha jalaqysynyń 70%-na teńestirilgenin eske saldy.
«Besinshiden, búginde depýtattyq korpýspen birge kásipodaq qozǵalysyn jańǵyrtý baǵytynda aýqymdy jumystar atqarylýda.
Sońǵy kezdegi eńbek janjaldary eńbek qatynastaryn retteýde jumys berýshiler ókilderiniń qatysýy jetkiliksiz ekenin jáne olardyń ujym isinen oqshaýlaný problemalary bar ekenin kórsetti», - dedi Úkimet basshysynyń orynbasary.
