جىل باسىنان بەرٸ ەڭبەك داۋلارى بار 140 پروبلەمالىق كەسٸپورىن انىقتالىپ, ونىڭ 91-ٸندە مەسەلە شەشٸلگەن. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ مەجٸلٸستٸڭ جالپى وتىرىسىندا ايتتى, دەپ حابارلايدى قازاقپارات.
«جىل باسىنان بەرٸ ەڭبەك داۋلارى بار 140 پروبلەمالىق كەسٸپورىن انىقتالىپ, 91-ٸندە مەسەلە شەشٸلدٸ. 49 كەسٸپورىندا جۇمىس جٷرگٸزٸلۋدە. 800-دەن اسا زاڭ بۇزۋشىلىق جويىلىپ, 10 مىڭعا جۋىق قىزمەتكەردٸڭ قۇقىعى قورعالدى.
ەكٸنشٸدەن, 200 كەسٸپورىندا 2,7 مىڭنان اسا جۇمىسكەر جالاقىسى بويىنشا بەرەشەكتٸ ٶتەۋ قامتاماسىز ەتٸلدٸ.
ٷشٸنشٸدەن, 1 ميلليوننان استام جۇمىسشىنىڭ جالاقىسى 5-تەن 50%-عا دەيٸن كٶتەرٸلدٸ»,- دەدٸ ەرالى توعجانوۆ.
سونداي-اق, ول قىزمەت كٶرسەتۋشٸ كومپانييالار قىزمەتكەرلەرٸنٸڭ جالاقىسى نەگٸزگٸ كومپانييا قىزمەتكەرلەرٸنٸڭ ورتاشا جالاقىسىنىڭ 70%-نا تەڭەستٸرٸلگەنٸن ەسكە سالدى.
«بەسٸنشٸدەن, بٷگٸندە دەپۋتاتتىق كورپۋسپەن بٸرگە كەسٸپوداق قوزعالىسىن جاڭعىرتۋ باعىتىندا اۋقىمدى جۇمىستار اتقارىلۋدا.
سوڭعى كەزدەگٸ ەڭبەك جانجالدارى ەڭبەك قاتىناستارىن رەتتەۋدە جۇمىس بەرۋشٸلەر ٶكٸلدەرٸنٸڭ قاتىسۋى جەتكٸلٸكسٸز ەكەنٸن جەنە ولاردىڭ ۇجىم ٸسٸنەن وقشاۋلانۋ پروبلەمالارى بار ەكەنٸن كٶرسەتتٸ», - دەدٸ ٷكٸمەت باسشىسىنىڭ ورىنباسارى.
