Qostanai oblysynda memlekettik járdemaqy alýshylardyń qatary kóbeiedi, dep habarlaidy QazAqparat.
Memleket basshysy Qasym-Jomart Toqaev elde tótenshe jaǵdai jariialanýyna bailanysty tabyssyz qalǵan azamattardyń sanatyn keńeitýdi tapsyrǵan bolatyn. Endi 42 500 teńge kólemindegi osy kómekti alatyndardyń qatarynda ózin-ózi jumyspen qamtyǵandar men resmi tirkelmei jumys isteitinder kiredi. Memleket qoldaýyn alǵash bolyp sezingenderdiń biri – Ospanovtar otbasy. 2000 jyly shańyraq qurǵan Atymtai jáne Quralai Ospanovtar búginde 9 balany tárbielep otyr.
«Biyl otaý kótergenimizge 20 jyl tolady. Toǵyz balamyzdyń segizi – qyz. Jeti qyzdan keiin Ahmet esimdi at ustarymyz dúniege keldi. Úkimet tarapynan qanshama kómek kórsetilýde.Úkimet tarapynan qanshama kómek kórsetilýde. Áleýmettik járdemaqy ýaqytyly berilip otyr. Elbasymyzǵa jáne Prezidentimiz Qasym-Jomart Toqaev myrzaǵa alǵysymyz sheksiz. Kúni keshe memleket basshysy ózin-ózi jumyspen qamtyǵandar men resmi tirkelmei jumys isteitinderdi qoldaý sharalary týraly aitty. 42 500 teńge qazirgidei qiyn ýaqytta kez kelgen otbasyna úlken kómek», - deidi shańyraq iesi Atymtai Ospanov.
Atalǵan otbasynyń uitqysy bolyp otyrǵan Quralai Tólendiqyzy memleketten kórsetilip otyrǵan kómekke toqtaldy.
«Qazir qyzdarymnyń aldy mektepti bitirip, arnaýly orta bilim alyp jatyr. Stýdent qyzdar memlekettik grantta oqyp jatyr. Mekteptegi qyzdarymyz tegin kiim-keshekpen jáne ystyq taǵammen tolyq qamtylǵan. Oblys ákimi Arhimed Muhambetov myrza únemi qoldap otyrady. Eldi jailaǵan indetten jýyq arada arylyp, amandyqta qaýyshaiyq degim keledi. Bastysy, memleket basshysynyń saiasatyn qoldaiyq», - deidi «Altyn alqa» iegeri Quralai Tólendiqyzy.
Oblys basshylyǵy QR Prezidentiniń málimdemesinde belgilengen halyq pen biznesti qoldaý jónindegi tapsyrmalaryn oryndaýǵa kirisip ketken. Ákimdik málimetinshe, oblysta járdemaqy alýshylar sany 330 myńnan asady. Onyń ishinde 136 myńnan astamy – zeinetker, AÁK alýshylar – 16 myńǵa jýyq adam. Qazirgi ýaqytta bir rettik eń tómengi jalaqy kóleminde áleýmettik tólem alý úshin ózin-ózi jumyspen qamtyǵandar mártebesin qalyptastyrý boiynsha jumys júrgizilýde.
Qazirdiń ózinde óńirde 723 adam járdemaqy alýǵa ótinish berdi. Sondai-aq tegin azyq-túlik jiyntyǵyn alatyn azamattar sanattarynyń tizbesi keńeitiletin bolady. Bulardyń qatarynda Ospanovtar otbasy da bar.
