Qańtar men qyrkúiek arasynda Qazaqstan ekonomikasynyń ósimi 3,4 paiyzǵa deiin jedeldedi. Bul týraly QR Ulttyq ekonomika ministri Áset Erǵaliev Úkimet otyrysynda aitty, dep habarlaidy QazAqparat.
«Biylǵy qańtar-qyrkúiek aralyǵynda Qazaqstan ekonomikasynyń ósý kórsetkishi 3,4 paiyzǵa deiin jedeldedi. Osy esepti kezeńdi negizgi trendter boiynsha qyzmet kórsetý sektoryndaǵy dinamikanyń jandanýy naryqtyq sektordaǵy ósý qarqynyń saqtalýy, saýda balansynyń oń saldosy, naryqtyń nyǵaiýy jáne óńdirýshi emes sektorlardaǵy joǵary investitsiialyq belsendilik baiqalýda», - degen vedomstvo basshysy atalmysh 9 aida naqty sektordaǵy ósim 3,5 paiyzǵa jetkenin de atady.
«Qyzmet kórsetý sektorynda iskerlik belsendilik 2,9 paiyzǵa deiin ósti. Salalar arasynda aqparat jáne bailanys, qurylys, saýda, sýmen jabdyqtan, elektrmen jabdyqtaý, óńdeý ónerkásibi joǵary ósim kórsetti. Sondai-aq, aýyl sharýashlyǵynda da oń joǵary ósim baiqalyp otyr», - dedi ministr.
