قاڭتار مەن قىركٷيەك اراسىندا قازاقستان ەكونوميكاسىنىڭ ٶسٸمٸ 3,4 پايىزعا دەيٸن جەدەلدەدٸ. بۇل تۋرالى قر ۇلتتىق ەكونوميكا مينيسترٸ ەسەت ەرعاليەۆ ٷكٸمەت وتىرىسىندا ايتتى, دەپ حابارلايدى قازاقپارات.
«بيىلعى قاڭتار-قىركٷيەك ارالىعىندا قازاقستان ەكونوميكاسىنىڭ ٶسۋ كٶرسەتكٸشٸ 3,4 پايىزعا دەيٸن جەدەلدەدٸ. وسى ەسەپتٸ كەزەڭدٸ نەگٸزگٸ ترەندتەر بويىنشا قىزمەت كٶرسەتۋ سەكتورىنداعى ديناميكانىڭ جاندانۋى نارىقتىق سەكتورداعى ٶسۋ قارقىنىڭ ساقتالۋى, ساۋدا بالانسىنىڭ وڭ سالدوسى, نارىقتىڭ نىعايۋى جەنە ٶڭدٸرۋشٸ ەمەس سەكتورلارداعى جوعارى ينۆەستيتسييالىق بەلسەندٸلٸك بايقالۋدا», - دەگەن ۆەدومستۆو باسشىسى اتالمىش 9 ايدا ناقتى سەكتورداعى ٶسٸم 3,5 پايىزعا جەتكەنٸن دە اتادى.
«قىزمەت كٶرسەتۋ سەكتورىندا ٸسكەرلٸك بەلسەندٸلٸك 2,9 پايىزعا دەيٸن ٶستٸ. سالالار اراسىندا اقپارات جەنە بايلانىس, قۇرىلىس, ساۋدا, سۋمەن جابدىقتان, ەلەكترمەن جابدىقتاۋ, ٶڭدەۋ ٶنەركەسٸبٸ جوعارى ٶسٸم كٶرسەتتٸ. سونداي-اق, اۋىل شارۋاشلىعىندا دا وڭ جوعارى ٶسٸم بايقالىپ وتىر», - دەدٸ مينيستر.
