Serbiialyq maman Milan Milanovich qostanailyq «Tobyl» komandasynyń bas bapkeri qyzmetine taǵaiyndaldy, dep habarlaidy QazAqparat.
Milan Milanovich 1963 jyly 10 qańtarda dúniege kelgen. Fýtbolshylyq mansabynda Serbiianyń «Chýkarichki», Germaniianyń «Aýgsbýrg» klýbtarynda dop tepken.
Ol bapkerlik mansabyn 90-shy jyldardyń ortasynda bastady, Aldymen Farer araldarynyń «VB Vagýr» jáne «Tveroiri» komandalaryn jattyqtyrdy. Al 2009 jyly Bosniia jáne Gertsegovinanyń «Laktashi» klýbyn basqarsa, 2012 jyly «Sherifte» bas bapkerdiń kómekshisi bolyp jumys istedi.
2012 jyldan beri «Haidýk» (Horvatiia) jáne Serbiianyń «Novi-Pazar», OFK, «Radnichki» jáne «Rada» siiaqty serb komandalarynda jumys istedi.
2019 jyly qazaqstandyq «Ertis» komandasynda bas bapker boldy.
2021 jyly Armeniianyń «Alashkert» komandasymen kelisim-shart jasasty.
Milan Milanovichtiń qostanailyq «Tobyl» komandasymen kelisim-shart merzimi osy jyldyń sońyna deiin jasalǵan.
