Elordada dárigerler tóbesine metall konstrýktsiia qulaǵan áieldiń jaǵdaiy týraly aitty, dep habarlaidy QazAqparat.
«Qazirgi ýaqytta naýqas óte aýyr halde reanimatsiia bóliminde jatyr. Patsient dárigerlerdiń jiti baqylaýynda. Qajetti meditsinalyq kómek kórsetilip jatyr», - dedi Nur-Sultan qalasy Qoǵamdyq densaýlyq saqtaý basqarmasynan.
Eske sala ketsek, 22 qazan kúni Nur-Sultanda kópqabatty úi shatyrynan metall konstrýktsiiasy qulady.
Oqys oqiǵa saldarynan 56 jastaǵy áiel túrli jaraqat alyp, jansaqtaý bólimine tústi.
Sondai-aq, qalalyq Politsiia departamenti bolǵan oqiǵaǵa qatysty QR Qylmystyq kodeksiniń 306-babyna sáikes sotqa deiingi tergeý amalynyń bastalǵanyn habarlady.
