Elordada tóbesine metall konstrýktsiia qulap, zardap shekken áiel 20 kúnnen beri reanimatsiiada jatyr. Bul týraly aqparat Nur-Sultan qalasy qoǵamdyq densaýlyq saqtaý basqarmasynan kelip tústi, dep habarlaidy QazAqparat.
«Naýqas áli kúnge deiin reanimatsiia bóliminde jatyr. Jaǵdaiy aýyr», - dep habarlady basqarmadan.
Eske sala keteiik, 22 qazan kúni Nur-Sultanda kópqabatty úi shatyrynan metall konstrýktsiia qulady.
Oqys oqiǵa saldarynan 56 jastaǵy áiel túrli jaraqat alyp, jansaqtaý bólimine tústi.
Sondai-aq, qalalyq politsiia departamenti bolǵan oqiǵaǵa qatysty QR Qylmystyq kodeksiniń 306-babyna sáikes sotqa deiingi tergeý amaldarynyń bastalǵanyn habarlady.
Keiin elordanyń qoǵamdyq densaýlyq saqtaý basqarmasy naýqastyń óte aýyr halde ekenin jáne oǵan tiisti meditsinalyq kómektiń kórsetilip jatqanyn málimdedi.
