Elordada ústine metall konstrýktor qulaǵan áiel aýrýhanada dúnie saldy. Bul málimetti Nur-Sultan qalasy qoǵamdyq densaýlyq saqtaý basqarmasynyń baspasóz qyzmeti rastady, dep habarlaidy QazAqparat.
«Tóbesine metall konstrýktsiia qulaǵan elorda turǵyny qaitys boldy. Qaiǵyly oqiǵa 22 qazanda bolǵan edi. Tótenshe jaǵdaidan zardap shekken 1965 jyly týǵan áiel №2 qalalyq kópbeiindi aýrýhanaǵa óte aýyr jaǵdaida tústi. Patsientke mi operatsiiasy jasaldy, ókinishke qarai, oń dinamika bermedi. Sondai-aq, reanimatsiialyq sharalarǵa qaramastan, naýqasty qutqarý múmkin bolmady», - dep habarlandy basqarmadan.
Eske sala keteiik, 22 qazan kúni Nur-Sultanda kópqabatty úi shatyrynan metall konstrýktsiia qulady.
Oqys oqiǵa saldarynan 56 jastaǵy áiel túrli jaraqat alyp, jansaqtaý bólimine tústi.
Sondai-aq, qalalyq politsiia departamenti bolǵan oqiǵaǵa qatysty QR Qylmystyq kodeksiniń 306-babyna sáikes sotqa deiingi tergeý amaldarynyń bastalǵanyn habarlady.
Keiin elordanyń qoǵamdyq densaýlyq saqtaý basqarmasy naýqastyń óte aýyr halde jatqanyn jáne oǵan tiisti meditsinalyq kómektiń kórsetilip jatqanyn málimdedi.
