Túrkitildes memleketterdiń yntymaqtastyq keńesiniń beiresmi sammiti nátijeli boldy. Mundai pikirdi QR Prezidenti janyndaǵy Qazaqstannyń strategiialyq zertteýler institýty direktorynyń orynbasary Sanat Kóshkimbaev bildirdi, dep habarlaidy QazAqparat.
«Túrkistan – Túrki álemniń rýhani astanasy» uranymen onlain ótken sammittiń óte nátijeli bolǵandyǵyn atap ótken oryndy. Bul qabyldanǵan Túrkistan deklaratsiiasynda jáne Qazaqstan tarapynyń - uiymnnyń qurmetti tóraǵasy QR Tuńǵysh Prezidenti Nursultan Nazarbaevtyń bastamalarynda da kórinis tapqan. Atap aitqanda, «Túrki áleminiń keleshegi-2040» strategiiasyn, buǵan qosa, Qazaqstannyń Tuńǵysh Prezidenti buǵan deiin jariia etken TMYK-ty tolyqqandy uiymǵa ainaldyrýǵa daiyndyq bastaýǵa rusat berildi. Keńes mártebesin uiymǵa deiin kóterý Túrki álemniń yntymaqtastyǵyna tyń serpin bereri sózsiz», - dedi ol.
Sonymen qatar ol Túrki keńesiniń halyqaralyq qarym-qatynasta, saiasatta jáne ekonomikada salmaǵy artyp kele jatqandyǵyna basa aýdardy. Ózbekstannyń keńeske tolyqqandy múshe bolýyn joǵary baǵalap, Majarstannyń da osynaý keńistikke barynsha yqpaldasýǵa peiil tanytyp otyrǵandyǵyn aitty.
«Jiynǵa turaqty túrde qatysyp kele jatqan Túrkistannyń da múshe bolýy yqtialdyǵyn joqqa shyǵara almaimyz. Bul óte mańyzdy qadamdar», - dedi Sanat Kóshkimbaev.
Onyń atap ótýinshe, keńestiń qurylǵanyna kóp ýaqyt bola qoiǵan joq. Degenmen, ol óziniń ómirsheń uiym ekendigin kórsete bildi.
«2009 jyly QR Tuńǵysh Prezidenti Nahchyvanda ótken sammitte keńes qurý týraly bastama jasaǵan boltyn. Al qazir 11 jyl ótkennen keiin Túrki keńesin institýalizatsiialaý protsesiniń iske qosylǵanyn kórip otyrmyz. Al bul barlyq baǵyttaǵy ózara is-qimyl úshin perspektivalar men zor áleýet ashady. Bul tek saiasat qana emes, sonymen birge saýda-ekonomikalyq, mádeni-bilim jáne ǵylymi-tehnikalyq yntymaqtastyq», - dedi institýt direktorynyń orynbasary.
