تٷركٸتٸلدەس مەملەكەتتەردٸڭ ىنتىماقتاستىق كەڭەسٸنٸڭ بەيرەسمي سامميتٸ نەتيجەلٸ بولدى. مۇنداي پٸكٸردٸ قر پرەزيدەنتٸ جانىنداعى قازاقستاننىڭ ستراتەگييالىق زەرتتەۋلەر ينستيتۋتى ديرەكتورىنىڭ ورىنباسارى سانات كٶشكٸمباەۆ بٸلدٸردٸ, دەپ حابارلايدى قازاقپارات.
«تٷركٸستان – تٷركٸ ەلەمنٸڭ رۋحاني استاناسى» ۇرانىمەن ونلاين ٶتكەن سامميتتٸڭ ٶتە نەتيجەلٸ بولعاندىعىن اتاپ ٶتكەن ورىندى. بۇل قابىلدانعان تٷركٸستان دەكلاراتسيياسىندا جەنە قازاقستان تاراپىنىڭ - ۇيىمننىڭ قۇرمەتتٸ تٶراعاسى قر تۇڭعىش پرەزيدەنتٸ نۇرسۇلتان نازارباەۆتىڭ باستامالارىندا دا كٶرٸنٸس تاپقان. اتاپ ايتقاندا, «تٷركٸ ەلەمٸنٸڭ كەلەشەگٸ-2040» ستراتەگيياسىن, بۇعان قوسا, قازاقستاننىڭ تۇڭعىش پرەزيدەنتٸ بۇعان دەيٸن جارييا ەتكەن تمىك-تى تولىققاندى ۇيىمعا اينالدىرۋعا دايىندىق باستاۋعا رۇسات بەرٸلدٸ. كەڭەس مەرتەبەسٸن ۇيىمعا دەيٸن كٶتەرۋ تٷركٸ ەلەمنٸڭ ىنتىماقتاستىعىنا تىڭ سەرپٸن بەرەرٸ سٶزسٸز», - دەدٸ ول.
سونىمەن قاتار ول تٷركٸ كەڭەسٸنٸڭ حالىقارالىق قارىم-قاتىناستا, ساياساتتا جەنە ەكونوميكادا سالماعى ارتىپ كەلە جاتقاندىعىنا باسا اۋداردى. ٶزبەكستاننىڭ كەڭەسكە تولىققاندى مٷشە بولۋىن جوعارى باعالاپ, ماجارستاننىڭ دا وسىناۋ كەڭٸستٸككە بارىنشا ىقپالداسۋعا پەيٸل تانىتىپ وتىرعاندىعىن ايتتى.
«جيىنعا تۇراقتى تٷردە قاتىسىپ كەلە جاتقان تٷركٸستاننىڭ دا مٷشە بولۋى ىقتيالدىعىن جوققا شىعارا المايمىز. بۇل ٶتە ماڭىزدى قادامدار», - دەدٸ سانات كٶشكٸمباەۆ.
ونىڭ اتاپ ٶتۋٸنشە, كەڭەستٸڭ قۇرىلعانىنا كٶپ ۋاقىت بولا قويعان جوق. دەگەنمەن, ول ٶزٸنٸڭ ٶمٸرشەڭ ۇيىم ەكەندٸگٸن كٶرسەتە بٸلدٸ.
«2009 جىلى قر تۇڭعىش پرەزيدەنتٸ ناحچىۆاندا ٶتكەن سامميتتە كەڭەس قۇرۋ تۋرالى باستاما جاساعان بولتىن. ال قازٸر 11 جىل ٶتكەننەن كەيٸن تٷركٸ كەڭەسٸن ينستيتۋاليزاتسييالاۋ پروتسەسٸنٸڭ ٸسكە قوسىلعانىن كٶرٸپ وتىرمىز. ال بۇل بارلىق باعىتتاعى ٶزارا ٸس-قيمىل ٷشٸن پەرسپەكتيۆالار مەن زور ەلەۋەت اشادى. بۇل تەك ساياسات قانا ەمەس, سونىمەن بٸرگە ساۋدا-ەكونوميكالىق, مەدەني-بٸلٸم جەنە عىلىمي-تەحنيكالىق ىنتىماقتاستىق», - دەدٸ ينستيتۋت ديرەكتورىنىڭ ورىنباسارى.
