Astanada Astana Mining & Metallurgy — AMM 2026 XVI Halyqaralyq taý-ken metallýrgiialyq kesheni (TMK) kongresi óz jumysyn bastady. Biyl is-sharanyń bas seriktesi retinde Qarmet kompaniiasy qatysýda.
Kongress jyl saiyn TMK kásiporyndarynyń ókilderin, memlekettik organdardy, halyqaralyq uiymdardy, investitsiialyq qaýymdastyqty jáne tehnologiialyq sheshimder jetkizýshilerin biriktiredi. Bul alań saladaǵy negizgi syn-qaterlerdi talqylaýǵa, tájiribe almasýǵa jáne TMK-ny odan ári damytýdyń perspektivalyq baǵyttaryn aiqyndaýǵa múmkindik beredi.
Foto: Qarmet
Is-sharaǵa Qazaqstan Respýblikasynyń Premer-ministri Oljas Bektenov qatysty. Oǵan Qarmet kompaniiasynyń negizgi óndiristik kórsetkishteri tanystyrylyp, iske asyrylý satysyndaǵy birqatar investitsiialyq jobalar usynyldy.
Birinshi kúnniń basty oqiǵasy «Jer qoinaýynan ziiatkerlik biikterge: TMK bolashaǵy úshin jahandyq seriktestik» taqyrybyndaǵy plenarlyq otyrys ótti. Suraq-jaýap formatyndaǵy talqylaýǵa Qarmet kompaniiasynyń qarjy jáne strategiialyq damý jónindegi basqarma tóraǵasynyń birinshi orynbasary Zaýre Zaýrbekova qatysty.
Foto: Qarmet
Qatysýshylar tehnologiialyq damý, halyqaralyq yntymaqtastyq jáne zamanaýi basqarý tásilderiniń TMK salasynyń básekege qabilettiligin arttyrýdaǵy rólin talqylady.
«Búginde Qarmet aýqymdy transformatsiia kezeńinen ótýde. Biz shamamen 3,5 mlrd dollar kólemindegi investitsiialyq baǵdarlamany iske asyryp jatyrmyz. Bul bizge Eýropa, Qytai jáne basqa da elderden jańa tehnologiialardy engizýge, álemdik bolat naryǵyndaǵy ónimderimizdiń básekege qabilettiligin arttyrýǵa múmkindik beredi. Sonymen qatar jańa tehnologiialar óndiristi tiimdi ári ekologiialyq turǵydan taza etýge kómektesedi. Qazaqstan tabiǵi resýrstarǵa bai. Alaida joǵary qosylǵan quny bar ónim óndirýge kóshý úshin jańa tásilder qajet. Bul jerde negizgi róldi adamdar, olardyń bilimi, biliktiligi jáne kásibi damýy atqarady», – dep atap ótti Zaýre Zaýrbekova.
Plenarlyq otyrys barysynda TMK damýynyń perspektivalary, jasandy intellektti engizý jáne logistika salasyndaǵy yntymaqtastyq máseleleri de qarastyryldy.
«Búgin taý-ken metallýrgiia salasy úshin joǵary tehnologiialardyń mańyzdyly kóp aityldy. Meniń oiymsha, Qazaqstannyń artyqshylyqtarynyń biri – zamanaýi tehnologiialardy engizip, neǵurlym tiimdi biznes-modelder qurý múmkindigi. Biz sapaly ónim óndiremiz, óndiristik protsesterdi jetildiremiz jáne eńbek qaýipsizdigi men ónerkásiptik qaýipsizdik máselelerine erekshe kóńil bólemiz. Kásiporyn jańa aktsionerge ótkennen keiin qaýipsizdik absoliýtti basymdyqqa ainaldy. Qyzmetkerlerdiń ómiri men densaýlyǵyn qorǵaýǵa baǵyttalǵan kóptegen jobalar júzege asyrylýda. Buǵan qosa, tsifrlyq tehnologiialar men jasandy intellekt bizge belsendi túrde kómektesip keledi, olar shahtalarda da, metallýrgiialyq óndiriste de keńinen qoldanyla bastady. Bul biznesti neǵurlym tiimdi etetin jańa tásil», – dep atap ótti Zaýre Zaýrbekova.
Sondai-aq salanyń turaqty damýyna negiz bolatyn sheshimderdi búginnen bastap qabyldaýdyń mańyzdylyǵyna erekshe nazar aýdaryldy. Áńgime jańa tehnologiialar, uzaq merzimdi seriktestik jáne óndiristi basqarýdyń zamanaýi tásilderi týraly.
Foto: Qarmet
«Eń aldymen turaqty investitsiialyq orta qajet. Meniń oiymsha, Qazaqstan úkimeti bul baǵytta úlken jumys atqaryp jatyr. Eldiń zańnamasy damyp keledi, sondyqtan investorlar Qazaqstannyń investitsiialyq klimatynyń tartymdylyǵyna senimdi bola alady. Bul normativtik bazaǵa, ekologiialyq retteýge jáne basqa da kóptegen aspektilerge qatysty. Budan bólek, sala úshin uzaq merzimdi qarjylandyrý óte mańyzdy. Taý-ken ónerkásibi birden nátije bermeidi. Munda bolashaqqa baǵyttalǵan, shydamdy investorlar qajet. Dál osy tásil aýqymdy damý jobalaryn júzege asyrýǵa múmkindik beredi», – dep túiindedi Zaýre Zaýrbekova.
Iskerlik baǵdarlama aiasynda seriktes elder úkimetteri ókilderiniń qatysýymen strategiialyq dialog ótti. Onda halyqaralyq yntymaqtastyq perspektivalary, investitsiialyq bailanystardy damytý jáne TMK salasyndaǵy birlesken jobalardy iske asyrý máseleleri qaraldy.
Foto: Qarmet
Jekelegen sessiialar investitsiialyq ahýal men retteýshi ortaǵa, joǵary qubylmalylyq jaǵdaiyndaǵy metall saýdasyna, táýekelderdi basqarýǵa, geologiialyq barlaýǵa, kólik infraqurylymyna jáne Ortalyq Aziiany jahandyq logistikalyq tizbekterge integratsiialaýǵa arnaldy.
Qarmet kompaniiasynyń AMM 2026 kongresine bas seriktes retinde qatysýy onyń salalyq dialogty damytýǵa úles qosýǵa, seriktestermen yntymaqtastyqty nyǵaitýǵa jáne Qazaqstannyń TMK salasyna zamanaýi tehnologiialardy engizýdi qoldaýǵa degen umtylysyn kórsetedi.
Foto: Qarmet
Foto: Qarmet
Foto: Qarmet
