Táýelsiz Memleketter Dostastyǵy Úkimet basshylary Astanada bas qosty, dep habarlaidy "Ult aqparat".
TMD Úkimetteriniń basshylary keńesiniń otyrysy dástúrli túrde shaǵyn jáne keńeitilgen quramdarda ótti.
Otyrysqa Qazaqstan Premer-Ministri B. Saǵyntaev, Resei Federatsiiasynyń Premer-Ministri D. Medvedev, Ázerbaijan Premer-Ministri N. Mamedov, Belarýs Premer-Ministri S. Rýmas, Qyrǵyzstan Premer-Ministri M. Abylgaziev, Tájikstan Premer-Ministri K. Rasýlzoda, Ózbekstan Premer-Ministri A. Aripov, Armeniianyń Birinshi Vitse-Premeri A. Mirzoian, Túrikmenstan ministrler kabineti Tóraǵasynyń orynbasary G. Mýradov, Belarýstegi Moldova elshisi, TMD janyndaǵy Turaqty ýákiletti ókil V. Sorochan, TMD Atqarýshy komitetiniń tóraǵasy S. Lebedev qatysty.
Shaǵyn quramdaǵy otyrysta TMD-ǵa múshe elderdiń ekonomikalyq ózara is-qimylynyń ózekti máseleleri boiynsha pikir almastyryldy. Sonymen qatar, úkimettik delegatsiialardyń basshylary birlesken qyzmetti odan ári jetildirýge baǵyttalǵan birqatar usynystaryn jetkizdi. Qazaqstan tarapy saýda qatynastaryn nyǵaitý, ǵarysh salasynda birlesken jobalardy iske asyrý, ekonomikalardyń tsifrlandyrýǵa kóshýi jónindegi jumystardy jandandyrý, «jasyl» tehnologiialardy jáne innovatsiialardy damytý salalarynda múshe memleketterdiń birlesken bastamalaryn iske asyrý máselelerin kóterdi.
S. Lebedevtiń aitýynsha, delegatsiialar basshylarynyń barlyq bastamalary men usynystaryn TMD Atqarýshy komiteti olardyń tájiribe júzinde Dostastyqtyń jarǵylyq jáne salalyq organdarynyń deńgeiinde iske asyrylýy boiynsha tiisti qujattardy ázirleý maqsatynda muqiiat taldaidy.
Jalpy alǵanda, otyrys qatysýshylary búgin qabyldanǵan sheshimder men olardyń is júzine asyrylýy Dostastyq aiasyndaǵy yntymaqtastyqtyń odan ári nyǵaia túsýine yqpal etetinine senim bildirdi.
Keńeitilgen quramdaǵy otyrystyń kún tártibinde energetika, aýyl sharýashylyǵy, áleýmettik qamsyzdandyrý, ǵarysh salasy, salyqtyq ákimshilendirý, bailanys jáne innovatsiialar, ziiatkerlik menshik nysandarynyń quqyqtaryn qorǵaý, sondai-aq, gýmanitarlyq ózara is-qimyl salalaryndaǵy yntymaqtastyqqa qatysty 13 másele qaraldy.
Úkimettik delegatsiialardyń basshylary TMD-ǵa qatysýshy memleketterdiń joǵary tehnologiialy energetikalyq jabdyqtar óndirýdi damytý boiynsha qabyldanyp jatqan yntymaqtastyq tujyrymdamasynyń mańyzdylyǵyn atap ótti. Bul óndiristik qýattylyqtardy keńeitip, jańǵyrtýǵa, jańa ónimdiligi joǵary jumys oryndaryn ashýǵa, sondai-aq, ǵylymi-zertteý áleýetin arttyrýǵa jáne jalpy Dostastyq elderiniń energetika sektoryn, mashina jasaý jáne ónerkásip salalaryn damytýdy kúsheitýge jol ashady.
Otyrys barysynda «Rosatom» atom energiiasy jónindegi memlekettik korporatsiiasynyń bas direktorynyń orynbasary N. Spasskiidiń, «MEI» ulttyq zertteý ýniversitetiniń birinshi prorektory V. Zamolodchikovtyń baiandamalary tyńdaldy.
- TMD-ǵa qatysýshy memleketterdiń iadrolyq apat oqiǵasyna nemese radiatsiialyq apattyq jaǵdaidyń týyndaýyna daiyn bolý jáne olardyń saldaryn joiý kezinde ózara kómek kórsetýdi qamtamasyz etý boiynsha ózara is-qimyly týraly kelisim;
- TMD-ǵa qatysýshy memleketterdiń shekara mańyndaǵy aýmaqtarynda orman aýrýynyń oshaqtary men ziiankesteriniń aldyn alý jáne joiý boiynsha ózara is-qimyly týraly kelisim;
- TMD-ǵa qatysýshy memleketterdiń beibit maqsatta ǵarysh keńistigin zertteý jáne paidalaný salasynda birlesken qyzmetti júzege asyrýy týraly kelisim;
- TMD-ǵa qatysýshy memleketterdiń elektrondy jáne elektr tehnikalyq jabdyqtar qaldyqtaryn paidalaný salasyndaǵy yntymaqtastyq týraly 01.06.2018 jylǵy kelisimin iske asyrý jónindegi is-sharalar jospary;
- 17.01.1997 jylǵy Uialy jyljymaly bailanys júielerin damytý jáne paidalanýdaǵy yntymaqtastyq týraly kelisimge ózgerister engizý týraly hattama;
- Salyqtyq ákimshilendirýdi júzege asyrý úshin TMD-ǵa qatysýshy memleketter arasynda elektrondy aqparat almasý týraly hattama;
- «Ýran shyǵaratyn óndirister áser etken memleketterdiń aýmaqtaryn qalpyna keltirý» memleketaralyq maqsatty baǵdarlamasyna ózgerister engizý týraly sheshim;
- TMD-ǵa qatysýshy memleketterdiń joǵary tehnologiialy energetikalyq jabdyq óndirýdi damytý jáne ony iske asyrýdyń negizgi sharalarynyń jospary boiynsha yntymaqtastyq tujyrymdamasy;
- TMD-ǵa qatysýshy memleketterdiń 2020 jylǵa deiingi kezeńge arnalǵan Innovatsiialyq yntymaqtastyǵynyń memleketarlyq baǵdarlamasy aiasynda memleketaralyq innovatsiialyq jobalardy jáne is-sharalardy iske asyrý nátijesinde qurylǵan ziiatkerlik menshik nysandaryna quqyqtardy bólý tártibi;
- 2020 jylǵa deiingi kezeńde TMD-ǵa qatysýshy memleketterde soǵys ardagerleriniń – jergilikti shielenister qatysýshylarynyń jáne olardyń otbasy músheleriniń ómir sapasyn jaqsartý jáne meditsinalyq-áleýmettik kómekti odan ári damytýdyń negizgi baǵyttaryn iske asyrýdyń is-sharalar josparyn 2019 jyly qarjylandyrý týraly sheshim;
- TMD-ǵa qatysýshy memleketterdiń gýmanitarlyq yntymaqtastyq salasyndaǵy basym is-sharalarynyń 2019–2020 jyldarǵa arnalǵan jospary;
- 17.01.1997 jylǵy Uialy jyljymaly bailanys júielerin damytý jáne paidalanýdaǵy yntymaqtastyq týraly kelisimge ózgerister engizý jónindegi hattama týraly kelisim.
Budan ózge, uiymdastyrýshylyq sipattaǵy birqatar másele sheshildi. Dostastyqtaǵy tóraǵalyq túrikmen tarapyna ótedi. TMD Úkimetteriniń basshylary keńesiniń kezekti otyrysy 2019 jylǵy mamyrda Ashhabadta (Túrikmenstan) ótedi.
