Táýelsiz Memleketter Dostastyǵy postkeńestik keńistiktegi aýqymdy apattardyń aldyn alýda mańyzdy ról atqardy. Bul týraly TMD uiymyna múshe memleketter basshylary keńesiniń kezekti otyrysynda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Osydan týra 30 jyl buryn Qazaqstannyń Tuńǵysh Prezidenti Nursultan Nazarbaevtyń bastamasymen Almatyda Memleketter basshylarynyń tarihi kezdesýi ótip, onda Almaty Deklaratsiiasy qabyldanǵan bolatyn. Osynaý taǵdyrsheshti qujat jańa táýelsiz memleketterdiń kópqyrly yntymaqtastyǵyna myǵym negiz qalady. Búginde Dostastyq postkeńestik keńistiktegi aýqymdy apattardyń aldyn alýda mańyzdy ról atqaryp, halyqtarymyz arasyndaǵy ózara bailanystardy saqtaýǵa septigin tigizdi. TMD-nyń bedeldi halyqaralyq uiymǵa ainalýy da óte mańyzdy. Osy jyldardyń ishinde TMD keńistiginde ortaq kúsh-jigerdiń arqasynda kooperatsiianyń shynaiy tetikteri quryldy, qomaqty normativtik-quqyqtyq baza qalyptasty. Yntymaqtastyqtyń barlyq derlik salasynda biregei tájiribe qalyptasty», - dedi Memleket basshysy.
QR Prezidenti Dostastyq belsendi saiasi dialogty damytýǵa, qaýipsizdik salasyndaǵy yntymaqtastyqty nyǵaitýǵa qyzmet etip, saýda-ekonomikalyq qarym-qatynasty damytýǵa jaǵdai jasaityndyǵyn basa aitty.
«Elderimizdiń tiimdi integratsiiasy TMD-da erkin saýda aimaǵyn qurýǵa septigin tigizdi. Dostastyq qamqorlyǵymen mádeni-gýmanitarlyq yntymaqtastyqty damytýdaǵy qadamdar da joǵary baǵaǵa laiyq. Bizdiń kezdesýmiz TMD elderiniń kópqyrly ózara is-qimylyn qorytyndylap, jańa mejesin ashady», - dedi Qasym-Jomart Toqaev.
