Parlament Senatynyń jalpy otyrysynda «1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattamany ratifikatsiialaý týraly» Zańy qabyldandy, dep habarlaidy QazAqparat.
Hattama TMD-ǵa qatysýshy memleketterdiń úkimetteri arasynda yntymaqtastyqty keńeitýge jáne tereńdetýge, járdemdesýge ári ózara kómek kórsetýge baǵyttalǵan.
«Atalǵan kelisim TMD memleketteri keden qyzmetteriniń ózara is-qimyl tártibin retteitin negizgi halyqaralyq shart bolyp sanalady. Kelisimge qol qoiylǵannan beri jiyrma jyldan astam ýaqyt ótti. Osyǵan bailanysty atalǵan qujat normalaryn tiisti ózgerister engizý jolymen jetildirý qajet. Hattama keden salasyndaǵy TMD normativtik-quqyqtyq bazasyna júrgizilgen túgendeý qorytyndysy boiynsha TMD elderimen birlesip ázirlendi», - dedi QR Qarjy ministriniń mindetin atqarýshy Berik Sholpanqulov.
Onyń sózine qaraǵanda, málimetterdi berý, saýaldardyń mazmuny, saýaldy oryndaý, alynǵan aqparatty paidalaný máselelerine qatysty birqatar negizgi baptarǵa ózgerister engizý usynylady.
«Zań jobasyn qabyldaý kedendik shekaralar arqyly ótkiziletin taýarlar men kólik quraldaryna keden baqylaýyn qamtamasyz etýge, TMD elderi keden organdarynyń qyzmetin úilestirý men tiimdi ózara is-qimylyn qamtamasyz etýge, keden zańnamasyn buzý táýekelderin barynsha azaitýǵa, sondai-aq keden operatsiialaryn jasaýdy jetildirýge yqpal etedi», - dedi B. Sholpanqulov.
