Búgin TMD elderi oiyndarynda tai boksynan jeńimpazdar belgili boldy. Qazaqstan quramasy bul synda bir altyn, alty kúmis pen tórt qola medal ielendi, dep habarlaidy "Ult aqparat" Mádeniet jáne sport ministrligine silteme jasap.
Uldar arasynda Shámil Ermaǵambetov 54 kg salmaqtyń finalynda belarýs Nikita Mironchikti jeńip, chempion atandy.
Ókinishke qarai, Rýslan Zaiakin (71 kg) reseilik Konstantin Shahtarinnen, Aleksandr Tsarikov te (81 kg) reseilik Ali Alievten, Evgenii Zimin de (91 kg) reseilik Dmitrii Vasenevten utylyp, kúmis júldeger atandy. Sonymen qatar Vladimir Antonov (+91 kg) Belarýs ókili Fedor Kaltýnǵa jol berip, ekinshi orynnan kórindi.
Al Rústem Ámenjanov (57 kg) pen Baqytjan Marat (75 kg) úzdik úshtikti qorytyndylap, qola júldege qol jetkizdi.
Qyzdar arasynda Rozalina Velichko (57 kg) reseilik Mariia Klimovaǵa, Viktoriia Goloshýbova (63,5 kg) reseilik Valeriia Albýlǵa finalda ese jiberdi. Sondai-aq Diana Tóleýova (48 kg) men Diana Pivtsova (51 kg) qola medalge ie boldy.
Budan bólek, Vladislav Goloshýbov (60 kg) pen Evgenii Zaitsev (63,5 kg) óz salmaǵynda 7-satyǵa jaiǵassa, Ahmet Asqar (67 kg) 6-orynǵa turaqtady.
Aita keteiik, tai boksynan 1998-2004 jyly dúniege kelgen sportshylar 16 júlde jiyntyǵyn (uldar arasynda 10, qyzdar arasynda 6 salmaqta) sarapqa saldy. Jalpykomandalyq esepte Qazaqstan Resei men Belarýsten keiin úshinshi oryn aldy.
