Ishki ister ministri Erlan Turǵymbaev Májiliste TMD-ǵa múshe memleketterdiń avtokólik urlyǵyna qarsy birlese kúresýdi kúsheitýge baǵyttalǵan zań jobasyn tanystyrdy, dep habarlaidy QazAqparat.
Tolyǵyraq aitqanda ministr «2005 jylǵy 25 qarashadaǵy TMD-ǵa qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaitarýdy qamtamasyz etýdegi yntymaqtastyǵy jaily kelisimge ózgerister engizý týraly hattamany ratifikatsiialaý týraly» zań jobasyn tanystyrdy. Atalǵan hattamaǵa osydan 15 jyl buryn Moldova, Qyrǵyz Respýblikasy, Resei, Tájikstan, Belarýs pen Qazaqstan qol qoiǵan.
«Hattamanyń negizgi maqsaty – urlanǵan avtokólik ieleriniń quqyǵynyń qorǵalýyn qamtamasyz etýdegi tiimdilikti arttyrý. Qazirgi tańda 2005 jyldan beri kúshine engen kelisimge múshe-memleketterdiń quziretti organdary keide kólikti qaitarýǵa qatysty suranystardy qanaǵattandyra bermeidi. Qazaqstanda osy ýaqyttyń ishinde 220 kólik urlanyp, onyń tek 30 paiyzy ǵana elge qaitarylǵan. Osyǵan bailanysty Kelisimge suranysty oryndaýdyń bir ailyq merzimi bekitiledi. Sonymen qatar suranys boiynsha aqparatty berýden bas tartýdyń naqty negizdemesi de aiqyndalady», - dedi Erlan Turǵymbaev.
Hattamanyń kómegimen joǵaryda atalǵan memleketter esepten alynyp qalǵan kólikterdiń málimetterin almasý múmkindigine de ie bolmaq.
