Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Aimaq

"Tizerletip qoiyp urady". BQO-da ata-analar balalary qorlyq kóretinin aityp shaǵymdandy

Ult portaly
"Tizerletip qoiyp urady". BQO-da ata-analar balalary qorlyq kóretinin aityp shaǵymdandy


Batys Qazaqstan oblysy Dostyq aýylynda jergilikti turǵyndar mektepte balalardyń qorlyq kórip júrgenine shaǵymdandy. Bul týraly "Astana" telearnasynyń siýjetinde aitylǵan, - dep habarlaidy Tengrinews.kz tilshisi.

Ata-analardyń aitýynsha, joǵary synyp oqýshylarynyń tómen synypqa qysym kórsetýi ómirlerine aitarlyqtai qaýip tóndirgen. Olar mektepte agressivti jasóspirimderdiń toby bar ekenin, balalardy tizerletip qoiyp uratynyn aitty.

Bul áreket tárbieleý maqsatynda júrgiziledi eken: tómen synyp oqýshylaryna joǵary synyptarmen amandasýǵa, olarmen daýlaspaýǵa, olardy kórgende iilýge úiretedi. Mundai qysym kórgen balalar tuiyq bolyp, mektepke barýdan qorqady.

Ata-analar politsiiaǵa júgingen, sondai-aq, mektep ákimshiligi bolǵan jaitqa kóz jumyp otyrǵanyna tańǵalady.

"Olar jaraqatty kórinbeitindei salady, betten, búirekten urady. Biraq eshqandai jaraqat qaldyrmaidy, sondyqtan biz ne bolyp jatqanyn baiqamadyq. Biz tek balalardyń tuiyqtalyp bara jatqanyn baiqadyq", - dedi oqýshynyń anasy Liýbov Matveeva.

"Aldymen bir balany urady, sodan keiin basqa balany urady, bári birtindep bolady. Bul balalar alańdarynda bolady", - dedi Natalia Korkina.

Mektep direktory oqý ornynda qorqynyshty eshteńe bolmaitynyn, tek bir ǵana qaqtyǵys bolǵanyn aitty. Onyń oiynsha, buǵan aralasyp kerek emes, balalar ózderi túsinisedi.

"Bir ret janjal boldy. Sodan keiin olar keshirim surap, balalar bir-birimen tatýlasty. Muǵalim retinde, direktor retinde ózime tiis nárseni oryndadym, ary qarai quqyq qorǵaý organdarynyń jumysy. Eger olar qandai da bir quqyqbuzýshylyq bolsa, jumys jasalsyn", - dedi mektep direktory Svetlana Golýbeva.

Oqi otyryńyz