Foto: AFP
«Titaniktiń» birinshi sanattaǵy jolaýshylaryna arnalǵan máziri Henry Aldridge & Son Ltd aýktsionynda 100 000 dollarǵa satyldy. Ol – 1912 jyldyń 11 sáýiri kúngi jalǵyz tanymal nusqa, dep habarlaidy Kazinform agenttigi All That’s Interesting basylymyna silteme jasap.
«Titaniktiń» birinshi sanattaǵy jolaýshylaryna 1912 jyldyń 11 sáýirinde ýstritsa, úirek, siyr eti men frantsýz balmuzdaǵy berilgen. Úsh kúnnen keiin, 1912 jyldyń 14-nen 15-ne qaraǵan túni keme muzdyqpen soqtyǵysyp, Soltústik Atlantika sýyna batyp ketti.
Sol túndegi «Titanik» máziriniń sirek danasy aýktsionda 102 000 dollarǵa (83 000 fýnt sterling) satyldy.
Shynynda mázir «Titaniktegi» ómir, birinshi klasta saiahattai alatyn adamdardyń ómiri qandai bolatynyn kórsetti.
«Titanik» bortyndaǵy túski as bilet baǵasyna bailanysty boldy.
Foto: All That’s Interesting
Jolaýshylar birinshi sanattaǵy biletti 150 dollarǵa (búgingi kúnmen eseptesek, 4000 dollar), ekinshi sanattaǵy biletti 60 dollarǵa (búgingimen 1600 dollar) jáne úshinshi sanattaǵy biletti 15-40 dollarǵa (nemese búgingimen 415-ten 1100 dollarǵa deiin) satyp aldy.
Ultimate Titanic habarlaýynsha, lainerdegi birinshi sanattaǵy jolaýshylar D palýbasynda tańǵy as, túski as jáne keshki asty da ishe alatyn. Tamaqtanatyn zal terezesinen teńiz kórinetin úlken bólmelerdiń birinde bolatyn.
Sonymen qatar olar A palýbasyndaǵy À la Carte Restaurant meiramhanasynan tamaqtana alady. Biraq ol jerde tamaq mólsheri az, baǵasy qymbat edi. Tańǵy as, túski as jáne keshki as ta beriletin.
Birinshi sanatta turǵan aman qalǵan jolaýshynyń sózinshe, À la Carte meiramhanasy óte keremet bolǵan.
«Ústelder qyzǵylt raýshan men aq túimedaq gúlimen bezendirilgen... ishekti aspaptar orkestri Pýchchini men Chaikovskiidiń mýzykasyn oryndaityn. Tamaqtary erekshe: ýyldyryq, shaian, bódene, tatreń jumyrtqasy, júzim men shabdaly».
Degenmen ekinshi jáne úshinshi sanattaǵy jolaýshylardyń tamaǵynda aiyrmashylyq boldy.
«Titaniktegi» 2200 jolaýshy men ekipaj múshelerin tamaqtandyrý úlken mindet bolatyn. Irish Central habarlaýynsha, kemede 69 aspaz kúnine 6000 tamaq daiyndaityn.
Lainer apatqa ushyraityn túni ekinshi sanatty bilet alǵan jolaýshylar pishken piksha, kúrish pen taýyq eti jáne amerikalyq balmuzdaq jegen. Úshinshi sanat jolaýshylaryna rostbif, qainatylǵan kartop pen shvedtik nan berildi.
The New York Times túsindirýinshe, 1912 jyldyń 11 sáýirindegi mázir Jańa Shotlandiia, Dominiondaǵy qaýymdastyq tarihshysy Len Stivenske tiesili albomnan tabylǵan.
Galifaktan apatqa ushyraǵan «Titanikke» kómektesý úshin kabeldik kemeler jiberilgeni belgili. Sarapshylardyń pikirinshe, áldebireý batyp bara jatqan kemeden aman qalýǵa tyrysyp jatyp mázirdi estelikke alyp ketken.
