فوتو: AFP
«تيتانيكتٸڭ» بٸرٸنشٸ ساناتتاعى جولاۋشىلارىنا ارنالعان مەزٸرٸ Henry Aldridge & Son Ltd اۋكتسيونىندا 100 000 دوللارعا ساتىلدى. ول – 1912 جىلدىڭ 11 سەۋٸرٸ كٷنگٸ جالعىز تانىمال نۇسقا, دەپ حابارلايدى Kazinform اگەنتتٸگٸ All That’s Interesting باسىلىمىنا سٸلتەمە جاساپ.
«تيتانيكتٸڭ» بٸرٸنشٸ ساناتتاعى جولاۋشىلارىنا 1912 جىلدىڭ 11 سەۋٸرٸندە ۋستريتسا, ٷيرەك, سيىر ەتٸ مەن فرانتسۋز بالمۇزداعى بەرٸلگەن. ٷش كٷننەن كەيٸن, 1912 جىلدىڭ 14-نەن 15-نە قاراعان تٷنٸ كەمە مۇزدىقپەن سوقتىعىسىپ, سولتٷستٸك اتلانتيكا سۋىنا باتىپ كەتتٸ.
سول تٷندەگٸ «تيتانيك» مەزٸرٸنٸڭ سيرەك داناسى اۋكتسيوندا 102 000 دوللارعا (83 000 فۋنت ستەرلينگ) ساتىلدى.
شىنىندا مەزٸر «تيتانيكتەگٸ» ٶمٸر, بٸرٸنشٸ كلاستا ساياحاتتاي الاتىن ادامداردىڭ ٶمٸرٸ قانداي بولاتىنىن كٶرسەتتٸ.
«تيتانيك» بورتىنداعى تٷسكٸ اس بيلەت باعاسىنا بايلانىستى بولدى.
فوتو: All That’s Interesting
جولاۋشىلار بٸرٸنشٸ ساناتتاعى بيلەتتٸ 150 دوللارعا (بٷگٸنگٸ كٷنمەن ەسەپتەسەك, 4000 دوللار), ەكٸنشٸ ساناتتاعى بيلەتتٸ 60 دوللارعا (بٷگٸنگٸمەن 1600 دوللار) جەنە ٷشٸنشٸ ساناتتاعى بيلەتتٸ 15-40 دوللارعا (نەمەسە بٷگٸنگٸمەن 415-تەن 1100 دوللارعا دەيٸن) ساتىپ الدى.
Ultimate Titanic حابارلاۋىنشا, لاينەردەگٸ بٸرٸنشٸ ساناتتاعى جولاۋشىلار D پالۋباسىندا تاڭعى اس, تٷسكٸ اس جەنە كەشكٸ استى دا ٸشە الاتىن. تاماقتاناتىن زال تەرەزەسٸنەن تەڭٸز كٶرٸنەتٸن ٷلكەن بٶلمەلەردٸڭ بٸرٸندە بولاتىن.
سونىمەن قاتار ولار ا پالۋباسىنداعى À la Carte Restaurant مەيرامحاناسىنان تاماقتانا الادى. بٸراق ول جەردە تاماق مٶلشەرٸ از, باعاسى قىمبات ەدٸ. تاڭعى اس, تٷسكٸ اس جەنە كەشكٸ اس تا بەرٸلەتٸن.
بٸرٸنشٸ ساناتتا تۇرعان امان قالعان جولاۋشىنىڭ سٶزٸنشە, À la Carte مەيرامحاناسى ٶتە كەرەمەت بولعان.
«ٷستەلدەر قىزعىلت راۋشان مەن اق تٷيمەداق گٷلٸمەن بەزەندٸرٸلگەن... ٸشەكتٸ اسپاپتار وركەسترٸ پۋچچيني مەن چايكوۆسكييدٸڭ مۋزىكاسىن ورىندايتىن. تاماقتارى ەرەكشە: ۋىلدىرىق, شايان, بٶدەنە, تاترەڭ جۇمىرتقاسى, جٷزٸم مەن شابدالى».
دەگەنمەن ەكٸنشٸ جەنە ٷشٸنشٸ ساناتتاعى جولاۋشىلاردىڭ تاماعىندا ايىرماشىلىق بولدى.
«تيتانيكتەگٸ» 2200 جولاۋشى مەن ەكيپاج مٷشەلەرٸن تاماقتاندىرۋ ٷلكەن مٸندەت بولاتىن. Irish Central حابارلاۋىنشا, كەمەدە 69 اسپاز كٷنٸنە 6000 تاماق دايىندايتىن.
لاينەر اپاتقا ۇشىرايتىن تٷنٸ ەكٸنشٸ ساناتتى بيلەت العان جولاۋشىلار پٸشكەن پيكشا, كٷرٸش پەن تاۋىق ەتٸ جەنە امەريكالىق بالمۇزداق جەگەن. ٷشٸنشٸ سانات جولاۋشىلارىنا روستبيف, قايناتىلعان كارتوپ پەن شۆەدتٸك نان بەرٸلدٸ.
The New York Times تٷسٸندٸرۋٸنشە, 1912 جىلدىڭ 11 سەۋٸرٸندەگٸ مەزٸر جاڭا شوتلاندييا, دومينيونداعى قاۋىمداستىق تاريحشىسى لەن ستيۆەنسكە تيەسٸلٸ البومنان تابىلعان.
گاليفاكتان اپاتقا ۇشىراعان «تيتانيككە» كٶمەكتەسۋ ٷشٸن كابەلدٸك كەمەلەر جٸبەرٸلگەنٸ بەلگٸلٸ. ساراپشىلاردىڭ پٸكٸرٸنشە, ەلدەبٸرەۋ باتىپ بارا جاتقان كەمەدەن امان قالۋعا تىرىسىپ جاتىپ مەزٸردٸ ەستەلٸككە الىپ كەتكەن.
