Áýe apatynda jaraqat alǵan ekinshi ushqyshtyń jaǵdaiy aýyr. Bul týraly dárigerler málimdedi, dep habarlaidy QazAqparat.
«Ekinshi ushqyshtyń jaǵdaiy aýyr. Búgin Nur-Sultan qalasynan kelgen áriptesterimizben birigip omyrtqasyna kúrdeli ota jasaldy. Ol áli narkozdan esin jiia qoiǵan joq. Ota sátti jasaldy», - dedi №4 qalalyq klinikalyq aýrýhananyń bas dárigeriniń mindetin atqarýshy Aiman Baizoldanova.
Onyń aitýynsha, bul aýrýhanada ushaqta bortserik bolǵan qyz da jatyr. Onyń jaǵdaiyn dárigerler orta deńgeide dep baǵalap otyr.
Al bort komandiri oqiǵa ornynda kóz jumǵan bolatyn.
Aita keteiik, keshe tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqta arnaiy komissiia jumys isteýde.
