Seisenbi kúni Niý-Iorktiń Christie's aýktsionyndaǵy saýda-sattyqta tirannozavr kesirtkesiniń qańqasy 31,8 million AQSh dollarynan astam somaǵa satyldy, dep habarlaidy "Ult aqparat" aýktsion úiiniń saityna silteme jasap.
«Christie's -te saýda-sattyqtyń álemdik rekordy ornady. «Sten» dep atalatyn tirannozavr 31 847 500 AQSh dollaryna satyldy», - delingen habarlamada..
Sipattamada kórsetilgendei, bul – tirannozavrdyń eń jaqsy saqtalǵan qańqalarynyń biri. Onda 188 súiek bar. Ony áýesqoi paleontolog Sten Sekrison 1987 jyly Ońtústik Dakota shtatyndaǵy qazba jumystary kezinde tapqan. Bastapqyda onyń bul oljasy tritseratop shópqorekti dinozavrynyń qańqasynyń bóligi delingen bolatyn. Tek 1992 jyly ǵana ǵalymdar tirannozavrdyń qańqasy tabyldy degen qorytyndyǵa keldi.
Sarapshylardyń pikirinshe, tirannozavrdyń salmaǵy 7-8 tonna, bul eresek afrikalyq pildiń salmaǵynan eki ese kóp. Tisteriniń uzyndyǵy 27 sm-den asady.
Munyń aldyndaǵy rekord 23 jyl buryn ornatylǵan edi. 1997 jyly tirannozavrdyń qańqasy Chikagodaǵy Fild tabiǵi tarihi murajaiynyń aýktsionynda 8,36 million AQSh dollaryna satyldy.
