سەيسەنبٸ كٷنٸ نيۋ-يوركتٸڭ Christie's اۋكتسيونىنداعى ساۋدا-ساتتىقتا تيراننوزاۆر كەسٸرتكەسٸنٸڭ قاڭقاسى 31,8 ميلليون اقش دوللارىنان استام سوماعا ساتىلدى, دەپ حابارلايدى "ۇلت اقپارات" اۋكتسيون ٷيٸنٸڭ سايتىنا سٸلتەمە جاساپ.
«Christie's -تە ساۋدا-ساتتىقتىڭ ەلەمدٸك رەكوردى ورنادى. «ستەن» دەپ اتالاتىن تيراننوزاۆر 31 847 500 اقش دوللارىنا ساتىلدى», - دەلٸنگەن حابارلامادا..
سيپاتتامادا كٶرسەتٸلگەندەي, بۇل – تيراننوزاۆردىڭ ەڭ جاقسى ساقتالعان قاڭقالارىنىڭ بٸرٸ. وندا 188 سٷيەك بار. ونى ەۋەسقوي پالەونتولوگ ستەن سەكريسون 1987 جىلى وڭتٷستٸك داكوتا شتاتىنداعى قازبا جۇمىستارى كەزٸندە تاپقان. باستاپقىدا ونىڭ بۇل ولجاسى تريتسەراتوپ شٶپقورەكتٸ دينوزاۆرىنىڭ قاڭقاسىنىڭ بٶلٸگٸ دەلٸنگەن بولاتىن. تەك 1992 جىلى عانا عالىمدار تيراننوزاۆردىڭ قاڭقاسى تابىلدى دەگەن قورىتىندىعا كەلدٸ.
ساراپشىلاردىڭ پٸكٸرٸنشە, تيراننوزاۆردىڭ سالماعى 7-8 توننا, بۇل ەرەسەك افريكالىق پٸلدٸڭ سالماعىنان ەكٸ ەسە كٶپ. تٸستەرٸنٸڭ ۇزىندىعى 27 سم-دەن اسادى.
مۇنىڭ الدىنداعى رەكورد 23 جىل بۇرىن ورناتىلعان ەدٸ. 1997 جىلى تيراننوزاۆردىڭ قاڭقاسى چيكاگوداعى فيلد تابيعي تاريحي مۇراجايىنىڭ اۋكتسيونىندا 8,36 ميلليون اقش دوللارىنا ساتىلدى.
