Kórneki sýret: pexels.com
Senatta Qazaqstandaǵy áýe tasymalyna qatysty máseleler talqylandy. Sonymen qatar depýtattar áýe biletteriniń tym qymbat ekenin aitty, - dep habarlaidy Massaget.kz.
Senator Amangeldi Tólemisov monopoliiaǵa qarsy tekserýler júrgizilip, áýe kompaniialaryna qatysty aiyppuldar salynsa da, áýe biletiniń baǵasy burynǵydai joǵary ekenine ashýlandy.
"Baǵany negizsiz kóterý jáne tiisti monopoliialyq tetikterdi qoldaný faktileri boldy. Biraq sizder bul faktini tirkeseńizder, nege baǵany tómendetpedińizder? Tek bir adamdy jaýapkershilikke tarttyńyzdar, biraq baǵa joǵary bolyp tur. Bul tutynýshylarymyzǵa, jolaýshylarǵa erekshe áser etedi. Áýe biletteri óte qymbat. Tipti bizdiń qaltamyz kótermeidi, al qarapaiym halyqtyń ony tóleýge múmkindigi joq", - dedi depýtat.
Básekelestikti qorǵaý jáne damytý agenttiginiń Kólik jáne kommýnikatsiialar departamentiniń direktory Nurgúl Jamanovanyń aitýynsha, áýe biletteriniń quny qurylymynda negizgi úlesti qazirgi ýaqytta kóbine áýejailardyń ózinde satylatyn janar-jaǵarmai alady.
"Janarmaidyń qunyn tómendetý úshin biz basqa iske asyrýshylarǵa kemsitpeitin qoljetimdilikti (naryqqa - shamamen) qamtamasyz etýdi usynamyz. Sonymen birge Azamattyq aviatsiia komitetimen birlese otyryp, qurylys salý máselesin pysyqtaý qajet dep sanaimyz. Basqa kompaniialardyń, sonyń ishinde munai kompaniialarynyń janarmai quiý keshenderi nátijesinde áýejailardaǵy kerosinniń quny tómendedi", - dedi ol.
Senator Ǵaliasqar Sarybaev bul jaýapqa kúmán keltirdi, óitkeni onyń aitýynsha, byltyr kerosin baǵasy kóterilmegen. Jaǵdaidy egjei-tegjeili túsiný úshin ol áýe biletteriniń baǵasy týraly tolyq aqparatty surady.
"Senatqa zańmen kelgen kezde biz tolyq qoldadyq. Qandai ózgeris engizgilerińiz keldi, bárin istedik. Al qazir ne bitirip jatyrsyzdar? Jańa Qazaqstan týraly aityp jatyrsyz, biraq kerisinshe bolyp shyqty. Búgingi jaǵdai nashar. Bul sabotaj ba, álde Prezidentke qarsy ádeii jasalyp jatyr ma? Bir aptanyń ishinde jaýabyn kútemin", - dedi Sarybaev.
