Qazaqstan Respýblikasynyń Kásipodaqtar federatsiiasy tóraǵasynyń orynbasary Muhtar Tinikeev "ArselorMittal Temirtaý" shahterleriniń ereýiline qatysty pikir bildirdi, - dep habarlaidy Tengrinews.kz tilshisi.
"Arselorǵa" osy jaǵdaiǵa erterek nazar aýdarý kerek edi. Osydan eki ai buryn Ýkrainadaǵy "Arselorda" ereýil bolǵan edi. Kalon myrza (Paramjit Kalon - "ArselorMittal TMD" bas direktory) sonda ushyp baryp, jumysshylarynyń jalaqysyn kóterip, qaityp kelgen edi. Al bizdikiler úndemei otyra beredi. Mysaly, ol nege osy jaǵdaiǵa deiin jetkizdi, iaǵni, nege ol shahterlerdiń óz quqyqtaryn qorǵaǵanyn kútti? Menińshe, investorǵa shahterlerdiń problemalaryna aralasatyn kez keldi", - dedi Tinikeev.
Sondai-aq, Tinikeev shahterlerdiń jumysqa turǵanda magnitti-rezonansty tomografiiany alyp tastaý týraly talaptaryna qatysty oiyn aitty.
"Shahterlerdiń qoiǵan talaptarynyń biri - magnitti-rezonansty tomografiiany alyp tastaý. Osy investor kelgen soń jumysqa turatyndarǵa magnitti-rezonansty tomografiiadan ótý kerek degen talap qoiyldy. Shahterler maǵan shaǵymdandy. Dárigerler nátijesi jaqsy saraptamany berý úshin para suraǵandaryn aitty. Aitýlarynsha, ondai saraptamalardyń baǵasy 200 myń teńgege jetip qalady. Shahterlerdiń de shydamynyń shegi bar. Jalpy, problema jetedi, sondyqtan osy problemalardy dál qazir sheshý kerek. Kelissózder júrgizip sheshý kerek. Meniń aitarym, men shahterlerdi qorǵaimyn", - dedi Muhtar Tinikeev.
Condai-aq, Tinikeev bolyp jatqan jaǵdaidy baqylaý úshin Qaraǵandyǵa barýdy josparlap otyrǵanyn aityp ótti.
"Sol jaqqa oqiǵa ornyna baryp, jaǵdaidy qaraimyn. Sonda túsinikti bolady. Syrttarynan baqylyp júremin, kerek bolyp jatsa sóilesemin. Meniń oiymsha, negizi onda bas direktor Kalon nemese Mittal myrzanyń ózi júrýi kerek", - dedi Tinikeev.
"Kenshilerdiń aryny qatty. Endi olardyń jer astynda áli qansha ýaqyt bolatynyn aitý qiyn. Biraq meniń bilýimshe, onda olarǵa ystyq tamaq berilip jatyr", - dedi Kásipodaqtar federatsiiasy tóraǵasynyń orynbasary.
Eske sala keteiik, osyǵan deiin 600-dei shahterdiń jer astynda qalyp otyrǵany habarlanǵan bolatyn. Eske salaiyq, 11 jeltoqsanda "ArselorMittal Temirtaý" shahterleri aýysymnan keiin joǵary qarai shyqpai qoiǵan. Narazylyq tanytyp jatqandardyń týystary áleýmettik jelilerde jariialap jatqan málimetter boiynsha, shahterler jalaqyny ósirýdi jáne eńbek jaǵdaiyn jaqsartýdy talap etip jatyr eken.
